+24 °С
Облачно
Яңылыҡтар
6 Мая , 07:52
Башҡортостан халҡы Константин Толкачевты һуңғы юлға оҙата
Башҡортостан халҡы Константин Толкачевты һуңғы юлға оҙата
Башҡортостан Дәүләт Йыйылышы – Ҡоролтай рәйесе Константин Толкачевты Өфөнөң Көньяҡ зыяратында ерләйәсәктәр. Был хаҡта хушлашыу тантанаһы барышында белдерелде.
Матәм митингы бер нисә минут элек Дәүләт Йыйылышы – Ҡоролтай бинаһында тамамланды. Константин Толкачев менән хушлашырға йөҙҙәрсә кеше килде: туғандары, хеҙмәттәштәре, депутаттар, төрлө төбәктәрҙән йыйылған йәмәғәт эшмәкәрҙәре, сәйәсмәндәр, Башҡортостан халҡы. Тантана юғары вазифалы кешеләр ҡатнашлығында үтте, шул иҫәптән хәрбиҙәр ҡатнашты.
«Тотош бер дәүер китте — кешеләр, ваҡиғалар, хәҙерге Башҡортостандың формалашыуы һәм үҫеш дәүере», — тине Толкачев менән бәхилләшкәндә республика Башлығы Радий Хәбиров.
Ул Константин Толкачевтың хәтере мәңгеләштереләсәк, тип вәғәҙәләне.
