“Ағиҙел” журналының 3-сө һанына күҙәтеү

Журналдың март һаны яҙғы гөлләмәләй сағыу һәм яғымлы. Әҫәрҙәр менән рәттән, авторҙарға төрлө һорауҙар бирелеүе, ҡыҫҡа әңгәмәләрҙең урын алыуы был һандың үҙенсәлеген билдәләй. Яҙыусы Мәүлиҙә Әхмәтйәнованың “Мәскәү ҡыҙы” романының дауамы, Башҡортостандың халыҡ шағиры Тамара Ғәниеваның “Мәрт” хикәйәһе, Башҡортостанда тыуып үҫкән сыуаш яҙыусыһы Дина Гаврилованың “Ҡала” ҡыҙының кейәүгә сығыуы” әҫәрҙәренең һәр береһе геройҙары, стиле менән күңелде арбай. Ошо һандан башлап, “Ағиҙел” журналы яңы әҙәби конкурс иғлан итә. “Яҙыусы Фәниҙә Исхаҡова премияһына фантастик әҫәрҙәргә конкурс” рубрикаһында тәүге ҡарлуғас – билдәле прозаик Фәрзәнә Аҡбулатованың “Аҡыл алышы” фэнтезиһы.

“Эй, әсәй, әсәкәйем. Иң яҡын серҙәшем, кәңәшсем инең бит һин. Минең өсөн генә түгел, һәр балаңа ла шулай булдың. «Тиҙ ярҙам» тип йөрөттөк һине иҫән сағыңда. Мин әле лә һинең рухың менән һөйләшеп, күңел йыуанысы табам...” Башҡортостандың халыҡ шағиры Гөлфиә Юнысова-Иҙелбаева “Ғүмер үҙе – фәһемле һәм моңло шиғриәт ул” тигән хәтирә-уйланыуҙарында был юлы әсәһенең тормош юлы аша фәһемле лә, донъяуи ҙа ваҡиғаларҙы бәйән итә.

Педагог-ғалимә, күренекле шағирә Рәмзәнә Абуталипованың шиғырҙары бала саҡ донъяһына алып ҡайтһа, әҙәбиәтебеҙҙең йәшерәк быуын вәкилдәре Әлфиә Әсәҙуллина, Зөлфирә Ҡарағужина, Айгөл Айытҡолова бөгөнгөбөҙҙөң йөҙөн аса, нескә лиризмы менән һоҡландыра.

Ғалимә Ғәҙилә Бүләкованың мәҡәләһе шағирә Рәмзәнә Абуталипованың тормошо һәм ижадына арнала.

Ә тышлыҡты күптән түгел күркәм ғүмер байрамын билдәләгән шағирә Әлфиә Әсәҙуллина биҙәй. Шулай уҡ уҡыусылар күңеленә хуш килгән “Ағиҙел биттәренән” һәм БР Милли әҙәбиәт музейы тәҡдим иткән яңы рубрикалар ҙа бай һәм ҡыҙыҡлы мәғлүмәттәр бирә.

Хөрмәтле уҡыусыларыбыҙ, ни сәбәптәндер “Ағиҙел”гә яҙылырға онотһағыҙ, подписканы һәр ваҡыт дауам итеү мөмкинлеге бар, ул саҡта инде журнал һеҙгә киләһе айҙан килә башлаясаҡ. Ә инде редакциябыҙҙан килеп алып йөрөү шарты менән айына ни бары 101 һумға ғына яҙылырға була.

Бергә булайыҡ, берҙәм булайыҡ!

Автор:Луиза Кирәева

Читайте нас:

© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.

Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.

Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире

Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА

Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа

Телефон

8(347)2-92-77-66

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)2-92-77-66

Редакция

8(347)2-92-77-66

Ҡабул итеү бүлмәһе

8(347)2-92-77-66