“Шиғриәт” рубрикаһында шағирә, Стәрлетамаҡ яҙыусылар ойошмаһы етәксеһе Римма Ғәлимованың һәм шағирә Гөлнара Хәлфетдинованың өр-яңы шиғырҙары менән танышырһығыҙ.
“Уҙаман” рубрикаһында билдәле сәйәсмән, Башҡортостан Республикаһының Рәсәй Федерацияһы Президенты ҡарамағындағы Тулы хоҡуҡлы вәкиле Ришат Халиҡовтың “Илсе яҙмалары” тигән бик мауыҡтырғыс публицистик әҫәре урын ала.
Был һанда яҙыусы Гөлнур Яҡупованың “Ҡатындар” трилогияһының яҙылыу тарихы, ижад процесы хаҡындағы яҙмаларының аҙағын уҡырһығыҙ.
“Сәсмә әҫәрҙәр” рубрикаһында яҙыусы Миңзәлә Хәлилованың “Тотҡонлоҡта” тигән хикәйәһе тәҡдим ителә.
Ғалимә Луиза Кирәева “Урал урмандары йөрәгеңдә, күңелеңдә – башҡорт далаһы...” мәҡәләһендә шағирә Гөлнара Хәлфетдинованың поэтик донъяһына ҡараш ташлай.
“Журнал уҡыусылар ижады”нда был юлы Айгөл Муллағәләмова һәм Гөлназ Искәндәрованың шиғырҙары урын ала.
Хөрмәтле уҡыусыларыбыҙ, ни сәбәптәндер “Ағиҙел”гә яҙылырға онотһағыҙ, подписканы һәр ваҡыт дауам итеү мөмкинлеге бар, ул саҡта инде журнал һеҙгә киләһе айҙан килә башлаясаҡ. Ә инде “Матбуғат йорто”ндағы киосктан килеп алып йөрөү шарты менән айына ни бары 96 һумға ғына яҙылырға була.
Бергә булайыҡ, берҙәм булайыҡ!