Салауат ҡалаһының дөйөм белем биреү ойошмаларына йәнә ноутбуктар һәм күп функциялы ҡулайламалар тапшырылды

Салауат ҡалаһының мәғариф идаралығынан хәбәр итеүҙәренсә, Рәсәй Президенты Владимир Путиндың май указы менән раҫланған “Мәғариф” милли проектының (национальный проект “Образование”) “Һанлы белем биреү мөхите” төбәк проектына ярашлы, Салауат ҡалаһының дөйөм белем биреү ойошмаларына йәнә ноутбуктар һәм күп функциялы ҡулайламалар тапшырылды.

Ноутбуктарҙа үҙебеҙҙә етештерелгән Astra Linux операциялар системаһы ҡуйылған. Проект мәғариф ойошмаларында һанлы белем биреү мөхитен булдырыуға йүнәлтелә. Ул уҡытыу, олимпиадалар һәм конкурстар үткәреү, уҡыусыларҙы дәүләт йомғаҡлау аттестацияһына әҙерләгәндә сифатлы белем биреү мөмкинлеген киңәйтергә булышлыҡ итәсәк.

Әйткәндәй, мәктәптәрҙе “Һанлы белем биреү мөхите” проекты буйынса заманса ҡорамалдар менән артабан да тәьмин итеү планлаштырыла. Бер ай эсендә уларға Smart TV функцияһы булған телевизорҙар һәм күп функциялы ҡулайламалар тапшырыу көтөлә.

#ВладимирПутин
#национальныепроекты #нацпроекты
#региональныепроекты #регпроекты #нацпроектыБашкортостан

Фото: rkwt.ru

Сығанаҡ: https://contenta.info/press_releases/334103

Автор:Лилия Давлетбакова

Автор:Минзаля Аскарова

Читайте нас в