“Экология” милли проекты нигеҙендә республиканың урман хужалыҡтары урман техникаһының яңы партияһын ҡабул итте. “Урмандарҙы һаҡлау” федераль проекты Башҡортостан урман хужалығы министрлығының иң әһәмиәтле проекттарының береһе.
- Проект урмандарҙы һаҡлау, шулай уҡ яңы үҫентеләр ултыртыу, урмандарҙың майҙанын арттырыу, урман хужалыҡтарының материал-техник базаһын яңыртыу буйынса мәсьәләләрҙе хәл итә, - урман хужалығы министры Марат Шәрәфутдинов. – 2024 йылға тиклем 15,2 гектар урманды тергеҙергә тейешбеҙ. Уларҙың 50 проценты – яһалма юл менән. Был Рәсәйҙә иң яҡшы күрһәткестәрҙең береһе.