Бөтә яңылыҡтар
Яңылыҡтар
29 Декабрь 2021, 11:33

Республика Башлығы антиваксерҙарға ҡарата үҙ фекерен белдерҙе

Башҡортостан халҡы өсөн коронавирусҡа бәйле яңы сикләү саралары булмай. Был хаҡта 28 декабрҙә матбуғат конференцияһында республика етәксеһе Радий Хәбиров әйтте.

Республика Башлығы антиваксерҙарға ҡарата үҙ фекерен белдерҙе

«Ундай нәмә юҡ. Ләкин, йәнә ҡабатлайым, бының нисек булырын фаразламай торайыҡ. 2020 йылды хәтергә төшөрәйек, беҙ бит был – иң ауыр йыл, бына ул – ҡара һыҙат тип уйлағайныҡ. 2021 йылда был аҡ һыҙат булған икән, тинек, мәрхүмдәр күберәк булһа ла», – тип билдәләне Башҡортостан Башлығы.

Ғаиләгеҙҙә антиваксерҙар бармы тигән һорауға, әлбиттә, ғаиләлә юҡ, тип белдерҙе Радий Хәбиров.

«Ғаиләмдә минең яҡлылар, мин «кәрәк» тип әйтәм икән, улар бара, – тине ул.  – Ә был кешеләр, әйҙәгеҙ уларҙы үпкәләтмәйек, бер ҙә антиваксер түгел. Антиваксер, минең аңлауымса, вакцинация темаһында иғтибар йәлеп итергә тырышҡан кеше ул. Шул ғына. Һәр ваҡыт бер ниндәй шау-шыуһыҙ вакцина эшләткәндәргә түгел, ә прививка яһатмайым тип йөрөгәндәргә иғтибар итәләр. Прививка яһатмағандарҙың сәбәптәре төрлө, күпселеге үҙ һаулығы өсөн борсола, уларҙың быға нигеҙе бар. Шуға күрә беҙгә уларҙы яйлап ҡына күндерергә кәрәк».

Автор:Ильяс Ҡасҡынов