Бөтә яңылыҡтар
Яңылыҡтар
29 Декабрь 2021, 11:38

Район башлыҡтары корпоратив үткәреү тураһында ҡарар ҡабул иткәндә хәлде баһаларға тейеш – Хәбиров

Башҡортостан Башлығы Радий Хәбиров 28 декабрҙә йомғаҡлау интервьюһында район башлыҡтарына яңы йыл корпоративтарын уҙғарыуҙы тыймауын әйтте.

Район башлыҡтары корпоратив үткәреү тураһында ҡарар ҡабул иткәндә хәлде баһаларға тейеш – Хәбиров

«Халыҡтың һеҙҙең хаҡта нимә һөйләгәндәренә ҡолаҡ һалығыҙ һәм үҙегеҙгә проблемалар тыуҙырмағыҙ тигән теләгемде белдерҙем», – тине Радий Хәбиров.

Иҫке йылды оҙатыу традицияларын үтәү, коллектив менән осрашып, йомғаҡ яһау теләген аңлайым, тип билдәләне Башҡортостан Башлығы.

«Илдә Яңы йылды артыҡ шаштырып билдәләгән осраҡтар ҙа булды, ә эргәлә байрам өҫтәленә торт та һатып ала алмаған кешеләр бар ине. Бындай осраҡтарҙа, эйе, яза бирелер», – тине Радий Хәбиров.  

Автор:Ильяс Ҡасҡынов