Бөтә яңылыҡтар
Яңылыҡтар
11 Декабрь 2021, 20:20

Наилә Хәмбәлиева

Наилә ХӘМБӘЛИЕВА ТЕЛӘКНисәмә көн албырғата ғәжәп теләк:Төштәремә керһен инеРәйес Түләк...Әйтһен ине: “Туған, һиңә серем асам –Күбәләктәр килә беҙгә ҡайҙан, ҡасан”.

Наилә Хәмбәлиева
Наилә Хәмбәлиева

Наилә ХӘМБӘЛИЕВА

ТЕЛӘК
Нисәмә көн албырғата ғәжәп теләк:
Төштәремә керһен ине
Рәйес Түләк...
Әйтһен ине: “Туған, һиңә серем асам –
Күбәләктәр килә беҙгә ҡайҙан, ҡасан”.

Ҡыйыулыҡты йыйып үҙем һорар инем:
“Заманыңда һин иң ҡыйыу Оран инең.
Әйтер инең: хәҙер ҡыштар ҡышыраҡмы?
Әллә инде түлһеҙҙәре йышыраҡмы?"

Төштәремә керһен ине Мостай Кәрим.
Һорар инем: “Әйтегеҙсе ҡоштар серен?
Күкрәктәрҙән ҡалайыраҡ осоп китеп
Дөрләтәләр күңелдәрҙе усаҡ итеп?”

Һәм, әлбиттә –Рәми, Рәми...
Керһен ине.
Күңелемдең ынйыларын күрһен ине.
Әйтер инем: “Ҡурай хәҙер ҡыуана ла,
Ҡайғыра ла...
Ере, һыуы, тауына ла”.

Әйтер инем: “Ҡыҙҙар, улдар һине таный!
Таный ғынамы һуң – нурға, йырға һанай!
Телем тиеп утҡа, һыуға ингәндәр бар,
Керәҙ һаҡлап тайыштабан еңгәндәр бар”.

Һорар инем һәр беренән Ерҙең хәлен -
Серһеҙ ҡалманымы әле Илем, Телем?
Кемдәр өсөн Шағир һаман ҡәләм ослай?
Матурлыҡтар ниңә һаман сиген асмай?

...Теләктәрҙең иң Теләген теләгәнмен.
Әллә төштә яуап көткән тиле йән мин!?
Кем белә бит!..
Мөғжизәләр көткән мәлдә,
Бүләк булып бер нур балҡыр тын бүлмәмдә...
Наилә Хәмбәлиева

Наилә Хәмбәлиева
Наилә Хәмбәлиева
Автор:Салават Абузаров
Читайте нас: