Әхмәр ҒҮМӘР-ҮТӘБАЙ
Һорау. Мәсьәлә. Ихтыяж.
Йәштәрҙең телмәрендәге "банктан аҡса сисеүҙәре", "фатир сисеүҙәре", "кемделер эшенән сисеүҙәре" хаҡында бер күҙәтеүемдә яҙып үткәйнем инде. Тағы ла өс һүҙҙе бутап һөйләшәбеҙ, яҙабыҙ, йәмәғәт! Бер ауылда "Товары повседневного спроса" тигән магазин яҙыуын "Көндәлек һорау тауарҙары" тип тәржемә итеп яҙғайнылар. "Һорау" менән "мәсьәлә"нең урыҫса тәржемәһе — вопрос. Урыҫса тексты тәржемәләгәндә күп осраҡта: "Шул-шул һорауҙы хәл итеү буйынса..." тип әйтәләр. Һорауҙы түгел, мәсьәләне хәл итәләр.
"Мең дә бер күҙәтеүем"
яҙмаларынан 548-се күҙәтеү.