Мөнир ВАФИН
КУАР-ҠОТҺОҘ
Ҡыҙым күптән үҫеп еткән,
Ҡыҙым күптән өлгөргән.
Белеп торам – күпме егет
Ҡыҙ артынан йүгергән.
Бөгөн ҡыҙҙы һорап килде
Буласаҡ кандидаттар.
Буласаҡ ҡоҙа-ҡоҙағый
Береһенән-береһе шәптәр.
Мин бит тауарҙың хужаһы,
Мин һис түгелмен балда:
“Куар-кодығыҙҙы күрһәт
Ҡыҙҙы һорарҙан алда!”
Күҙ төбәп килгән инеләр,
Ҡыҙғанһам да уларҙы,
Ҡыуып ебәрҙем куарһыҙ,
Ҡотһоҙ был ҡоҙаларҙы.
Бирә алам сит милләткә,
Хатта ҡотһоҙ кешегә.
Әммә ҡыҙҙы бирәһем юҡ
Куар-кодһыҙ кешегә!