Салауат әбүзәр
Башҡорт
Берәүҙән – икәү яҡшы ул,
Икәүҙән – өсәү яҡшы...
Милләткә тик сифат түгел,
Уның һаны ла – һаҡсы!
Күмәкләгән – яу ҡайтарған,
Беҙгә берҙәмлек кәрәк!
Бөгөлмәбеҙ, булһаҡ әгәр
Бер-беребеҙгә терәк.
Ил төкөрһә, күл булыр, тип,
Юҡҡа әйтмәгән халҡың!
(Беҙ битараф булһаҡ бөгөн,
Халҡыбыҙҙан ни ҡалһын!?)
Иҫлә бөйөк тарихыңды,
Шәжәрәңде иҫкә ал.
Һин – башҡорт булып тыуғанһың,
Һәм һин – башҡорт булып ҡал!!!