Бөтә яңылыҡтар
Новости
12 Октябрь , 11:15

Төш

Төш юрау Көнсығыш батшаһы төш күрә: уның барлыҡ тештәре ҡойолоп төшкән, имеш. Батша төш юраусыны саҡырып ала ла төшөн юрарға бойора. – Бөйөк батшам, мин һеҙгә ҡайғылы хәбәр еткерәм: һеҙ бөтә туғандарығыҙҙы юғалтасаҡһығыҙ... Асыуы килгән батша төш юраусыны зинданға ташларға ҡуша һәм икенсе юраусыны саҡыра. – О, батшам, – ти икенсе төш юраусы. – Мин һеҙгә ҡыуаныслы хәбәр еткерәм: һеҙ бөтә туғандарығыҙҙан да оҙаҡ йәшәйәсәкһегеҙ. Яуаптан кәйефе күтәрелгән батша тегегә бүләктәр бирергә бойора. Шул саҡ батшаның яраны төш юраусынан һорай: – Һин бит теге төш юраусы әйткәнде һөйләнең, ни өсөн батша уны зинданға ташлатты, ә һине бүләкләргә ҡушты? Төш юраусы мәғәнәле йылмайып ҡуя: – Эйе, икебеҙ ҙә төштө бер үк хәлгә юраныҡ. Ләкин эш шунда: нимә әйтеүең түгел, нисек әйтеүең мөһим...

Төш

Төш юрау

Көнсығыш батшаһы төш күрә: уның барлыҡ тештәре ҡойолоп төшкән, имеш. Батша төш юраусыны саҡырып ала ла төшөн юрарға бойора.

– Бөйөк батшам, мин һеҙгә ҡайғылы хәбәр еткерәм: һеҙ бөтә туғандарығыҙҙы юғалтасаҡһығыҙ...

Асыуы килгән батша төш юраусыны зинданға ташларға ҡуша һәм икенсе юраусыны саҡыра.

– О, батшам, – ти икенсе төш юраусы. – Мин һеҙгә ҡыуаныслы хәбәр еткерәм: һеҙ бөтә туғандарығыҙҙан да оҙаҡ йәшәйәсәкһегеҙ.

Яуаптан кәйефе күтәрелгән батша тегегә бүләктәр бирергә бойора. Шул саҡ батшаның яраны төш юраусынан һорай:

– Һин бит теге төш юраусы әйткәнде һөйләнең, ни өсөн батша уны зинданға ташлатты, ә һине бүләкләргә ҡушты?

Төш юраусы мәғәнәле йылмайып ҡуя:

– Эйе, икебеҙ ҙә төштө бер үк хәлгә юраныҡ. Ләкин эш шунда: нимә әйтеүең түгел, нисек әйтеүең мөһим...

Төш
Автор:Салават Абузаров