Бөтә яңылыҡтар
Новости
11 Октябрь , 08:25

Башҡортостан

Йомабикә ИЛЬЯСОВА БашҡортостанОҡшаш урман, тауҙар тәңгәленәнБашҡортостан сиген үткәндә,Тотош донъя ҡапыл балҡып китәБарса йәмдәр бында күскәндәй.Был тупраҡҡа һеңгән халҡым моңо,Батырҙарҙың эҙе уйылған,Ямғыр ғына түгел, ул халҡымдыңКүҙ йәштәре менән йыуылған.Бында торналарға, бөркөттәргәХалҡым рухы барып ҡушылған,Үҙ туғанын аяй белмәгәндәрСаҡ менән суҡ тигән ҡош булған.Елдәрендә ҡурай тауышы бар,Ауазы бар унда ҡумыҙҙың,Айға менеп баҫҡан Зөһрә – ҡыҙы,Үләнендә – тәме ҡымыҙҙың.Һәр бер йылға тарих булып аға,Йөрәк тибеп ҡуя һулҡылдап,Уҡтың һыуы аша сыҡҡан саҡтаУҡтай сая һаман тулҡындар.Был тәбиғәт – башҡорт бейеүендә,Был тәбиғәт – башҡорт көйөндә,Күпме гүзәллек һәм мөһабәтлек,Башҡортостан, һинең йөҙөңдә!

Башҡортостан

Йомабикә ИЛЬЯСОВА

Башҡортостан

Оҡшаш урман, тауҙар тәңгәленән
Башҡортостан сиген үткәндә,
Тотош донъя ҡапыл балҡып китә
Барса йәмдәр бында күскәндәй.
Был тупраҡҡа һеңгән халҡым моңо,
Батырҙарҙың эҙе уйылған,
Ямғыр ғына түгел, ул халҡымдың
Күҙ йәштәре менән йыуылған.
Бында торналарға, бөркөттәргә
Халҡым рухы барып ҡушылған,
Үҙ туғанын аяй белмәгәндәр
Саҡ менән суҡ тигән ҡош булған.
Елдәрендә ҡурай тауышы бар,
Ауазы бар унда ҡумыҙҙың,
Айға менеп баҫҡан Зөһрә – ҡыҙы,
Үләнендә – тәме ҡымыҙҙың.
Һәр бер йылға тарих булып аға,
Йөрәк тибеп ҡуя һулҡылдап,
Уҡтың һыуы аша сыҡҡан саҡта
Уҡтай сая һаман тулҡындар.
Был тәбиғәт – башҡорт бейеүендә,
Был тәбиғәт – башҡорт көйөндә,
Күпме гүзәллек һәм мөһабәтлек,
Башҡортостан, һинең йөҙөңдә!

Башҡортостан
Автор:Салават Абузаров