Ағиҙел
-14 °С
Болотло
75 лет Победы
Бөтә яңылыҡтар
Яңылыҡтар
29 Июнь 2021, 08:59

Баймаҡтар яҙғы баҫыу эштәренә йомғаҡ яһаны

Йәмле Ирәндек буйы ҡайынлығында урынлашҡан тирмәләр янында иртә таңдан халыҡ өҙөлмәне. Тап бында халҡыбыҙҙың мәҙәниәте, милли колориты сағыла. Башҡорт тарихы йылын иҫәпкә алып, күргәҙмәләрҙә башҡорттарҙың үткәне һәм хәҙергеһе, билдәле шәхестәре тураһында мәғлүмәт тупланды.

Йәмле Ирәндек буйы ҡайынлығында урынлашҡан тирмәләр янында иртә таңдан халыҡ өҙөлмәне. Тап бында халҡыбыҙҙың мәҙәниәте, милли колориты сағыла. Башҡорт тарихы йылын иҫәпкә алып, күргәҙмәләрҙә башҡорттарҙың үткәне һәм хәҙергеһе, билдәле шәхестәре тураһында мәғлүмәт тупланды.
Алдынғыларҙы тәбрикләү – һабантуйҙың матур бер өлөшө. Быйыл да ҙур сәхнәнән Сәсеү батырҙары, ауыл хужалығы етәкселәре, төрлө өлкә белгестәре үҙ наградаларын алды. Ленин исемендәге ауыл хужалығы кооперативы механизаторы Ғәйзулла Һағынбаев иһә күп йыллыҡ намыҫлы хеҙмәте өсөн “Хеҙмәт ҡаһарманлығы” миҙалына лайыҡ булды.
Һабантуй сиктәрендә бала саҡтары ҡәһәрле Бөйөк Ватан һуғышы йылдарына тура килгән оло быуын вәкилдәренә “Һуғыш балалары” тигән танытма ла тапшырылды.
Сағыу концерт номерҙары, алдынғы хеҙмәткәрҙәр,спортсылар, ғаиләләр колоннаһы – былар барыһы ла һабантуйға байрам кәйефе өҫтәне. Быйыл парадта медицина хеҙмәткәрҙәре лә ҡатнашты. Тап улар коронавирус инфекцияһына ҡаршы көрәш алып бара һәм кеше ғүмерен ҡотҡара.
Мауыҡтырғыс Ылаҡ уйыны, ат сабышы,мәргән уҡсылар һәм бил бирмәҫ көрәшселәр халыҡ байрамын тулыландырҙы.
Һабантуй сәхнәһендә дүрт йөҙгә яҡын һәүәҫкәр артистар үҙ һәләттәрен күрһәтте. Байрам майҙанында иһә олоһона ла, кесеһенә лә күңел асырға, ял итергә мөмкинлектәр тыуҙырылды.
Читайте нас в