Башҡортостандың халыҡ яҙыусыһы Азат Абдуллинға 90 йәш

Башҡортостандың халыҡ яҙыусыһы, драматург, прозаик, публицист Азат АБДУЛЛИН бөгөн күркәм юбилейын билдәләй. Азат Хаммат улына оҙон ғүмер, ҡаҡшамаҫ сәләмәтлек, уңыштар теләйбеҙ!

Башҡортостандың халыҡ яҙыусыһы, драматург, прозаик, публицист Азат Абдуллин 1931 йылдың 26 июнендә Ейәнсура районы Башҡорт Үргене ауылында тыуған. Үҙ ауылында урта мәктәпте тамамлағандан һуң, ул ошонда уҡ тәрбиә-уҡытыу эшендә ҡала. Һуңыраҡ, 1949-1953 йылдарҙа, Башҡорт дәүләт педагогия институтының тарих факультетында уҡый. Унан Мәскәүҙәге А.М. Горький исемендәге Донъя әҙәбиәте институтына аспирантураға инә. Уҡыуын тамамлағас, ҡайтып, 1957-1958 йылдарҙа Башҡорт дәүләт университетында эшләй ҙә кире Мәскәүгә китә, әҙәби ижад менән шөғөлләнә.

Әҙәбиәткә А. Абдуллин драматургия аша инә. Автор ХХ быуаттың 30-сы йылдарында үҙенең тыуған яҡтарында зоотехник булып эшләгән шағир Сергей Чекмаревтың тормош һәм ижад юлын өйрәнеп, 1963 йылда «Онотма мине, ҡояш!» тигән пьесаһын яҙа. Был пьеса буйынса эшләнгән спектаклдәр Башҡорт дәүләт академия театры һәм илебеҙҙең бүтән театрҙарында ла ҡуйыла.

ХХ быуаттың 70-се йылдарында «Ун өсөнсө председатель» пьесаһы Азат Хаммат улына донъя кимәлендә билдәлелек алып килә. Йәмғиәт тормошондағы тәрән ҡапма-ҡаршылыҡтарҙы сағылдырған әҫәр тәүге тапҡыр Евгений Вахтангов исемендәге театрҙа ҡуйыла. Төп ролде Василий Лановой башҡара. Артабан ул илдең йөҙҙән ашыу театрында, шулай уҡ Болгарияла, Чехославакияла, Румынияла, АҠШ-да ҙур уңыш менән бара. Автор «Һуңғы уҙаман» (1986; яңы редакцияһы «Һағыш йылғаһы») исеме аҫтында был драманың дауамын яҙа. 2004 йылда Азат Абдуллиндың Рудольф Нуриев тормошона арналған «Раббым баҡсаһы» пьесаһы буйынса Роман Виктюк театрында спектакль ҡуйыла.

Азат Абдуллин бөтә ил күләмендәге һәм республиканың матбуғат биттәрендә көнүҙәк мәсьәләләр буйынса үткер публицистик мәҡәләләр менән сығыш яһай. Проза өлкәһендәге «Аҡ һөт», «Ҡыҙыл ысыҡ» тигән повестары менән дә уҡыусыларға ул яҡшы таныш.

Ижади уңыштары өсөн Азат Хаммат улы Абдуллин Сергей Чекмарев исемендәге премия (1983) «Почет Билдәһе» ордены (1984) менән бүләкләнде, ә 2014 йылда «Башҡортостан Республикаһының халыҡ яҙыусыһы» тигән маҡтаулы исемгә лайыҡ булды.

Читайте нас:

© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.

Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.

Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире

Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА

Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа

Телефон

8(347)2-92-77-66

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)2-92-77-66

Редакция

8(347)2-92-77-66

Ҡабул итеү бүлмәһе

8(347)2-92-77-66