Шәреҡ ынйылары БЫЛ БИК ЯҠШЫ БУЛДЫ (Хикмәт)

Шәреҡ ынйыларыБЫЛ БИК ЯҠШЫ БУЛДЫ(Хикмәт) Бер Африка короленең бала саҡтан бергә уйнап үҫкән яҡын дуҫы булған. Ул кешенең яҡшы йә насар ваҡиғаларға тарыған һәр осраҡта ла ҡабатларға яратҡан бер һүҙе бар икән: “Был бик һәйбәт булды!”Бер ваҡыт улар һунарға сыҡҡан һәм, һәр ваҡыттағыса, дуҫы уға ҡоралын яһап биреп тора икән.

Шәреҡ ынйылары

БЫЛ БИК ЯҠШЫ БУЛДЫ

(Хикмәт)

Бер Африка короленең бала саҡтан бергә уйнап үҫкән яҡын дуҫы булған. Ул кешенең яҡшы йә насар ваҡиғаларға тарыған һәр осраҡта ла ҡабатларға яратҡан бер һүҙе бар икән: “Был бик һәйбәт булды!”

Бер ваҡыт улар һунарға сыҡҡан һәм, һәр ваҡыттағыса, дуҫы уға ҡоралын яһап биреп тора икән. Күрәһең, бер мылтыҡты яһағанда ул ниндәйҙер хата ебәргән – көбәкте алдан нығыраҡ төйгәндер – король атҡан ыңғайға яһау артҡа атылған һәм королдең баш бармағын өҙгән. Килеп тыуған хәлдең айышына төшөнөр-төшөнмәҫтән, дуҫы ғәҙәте буйынса: “Был бик яҡшы булды!” – тип ысҡындырған. Король, әлбиттә, сығырынан сыҡҡан. Дуҫын төрмәгә ултыртырға бойорған.

Күпмелер ваҡыттан һуң король үҙенең ярҙамсылары менән тағы ла һунарға юлланған. Бәхетһеҙлеккә күрә, уларҙың барыһын да каннибалдар – кеше ашаусылар – тотоп алған. Ҡарурман араһына, үҙҙәренең ауылдарына алып килгәндәр. Усаҡ әҙерләнгән, олоғара ҡаҙан аҫылған. Һәм бына “табыштарын” ентекләп йыуырға тотонғандар. Кемеһелер королдең баш бармағы юҡлығын шәйләп ҡалған, үҙҙәренең инаныуҙары буйынса зәғиф кешеләрҙе ашамаған был ҡәбилә. Королде ҡайтарып ебәргәндәр.

Ҡайтып барышлай ул бармағын юғалтыу ваҡиғаһын иҫкә төшөргән. Шул ваҡыттағы үҙенең ҡылығын хәтерләп уңайһыҙланған һәм тура төрмәгә, дуҫы янына ашыҡҡан.

- Һин теге ваҡыт хаҡ һүҙ әйткәнһең, – тигән король дуҫына, – минең бармаҡһыҙ ҡалыуым, ысынлап та, бик яҡшы булған бит.

Түкмәй-сәсмәй әле генә үҙе менән булған хәлдәрҙе һөйләп биргән.

- Мин бик насар эшләгәнмен һине төрмәгә ултыртып, ай, насар эшләгәнмен.

- Юҡ, – тигән дуҫы, – был бик яҡшы булды әле.

- Нимә һөйләйһең һин, иң яҡын дуҫымды бер йыл төрмәлә тоттом, шул яҡшы буламы?!

- Әгәр ҙә мине төрмәгә ултыртмаған булһаң, бөгөнгө һунарыңда мин бит һинең менән бергә булыр инем... Әлеге мәлдә каннибалдар ҡаҙанында ятыр инем.

(Рәйес Түләк яҙмаларынан).

Читайте нас:

© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.

Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.

Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире

Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА

Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа

Телефон

8(347)2-92-77-66

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)2-92-77-66

Редакция

8(347)2-92-77-66

Ҡабул итеү бүлмәһе

8(347)2-92-77-66