Ағиҙел
-15 °С
Болотло
75 лет Победы
Бөтә яңылыҡтар
Яңылыҡтар
11 Июнь 2021, 09:04

Республика баҫмаларына яҙыл да, ҡиммәтле бүләк от!

Ташламалы хаҡҡа гәзит-журналға яҙылыу декадаһы дауам итә. Бөгөн ошо уңайҙан Матбуғат йорто алдындағы майҙанда күләмле сара үтте. Гәзит-журнал уҡыусылар журналистар менән яҡындан танышып, асыҡ һауалағы концертҡа тамаша ҡылды. #Ағиҙел#АғиҙелЖурналы#ЯҙылыусыларКөнө#БашМатбуғат#ДеньПодписчика

Башҡорттар күпләп йәшәгән күрше өлкәләргә дан йырлаған композиция бөгөн үҙенә күрә гимн булып һанала. Матбуғат йорто алдындағы майҙан «Арғымаҡ» һәм башҡа ижади коллектив, халыҡ һәм атҡаҙанған йырсылар ижадынан гөр килде. Берәүҙәр асыҡ һауалағы концерт ҡарап кинәнһә, икенселәр ташламалы хаҡҡа ваҡытлы матбуғатҡа яҙылып ҡалырға ашыҡты.
Матбуғат йорто алды республика гәзит-журналдарының һабантуй майҙанын хәтерләтте. Һәр баҫма уҡыусыһын төрлө яҡлап ылыҡтырырға тырышты. Һәм булдырҙы ла.
Матбуғат байрамы ике яҡ өсөн дә отошло булды тип әйтергә кәрәк. Уҡыусылар гәзит-журнал сығарыусылар менән күҙмә-күҙ осрашып ҡына ҡалмай, үҙ тәҡдим-теләктәрен дә еткерҙе. Өҫтәүенә, халыҡ яҙыусыларынан автографлы китап алыу мөмкинлеге лә бирелде.
Читайте нас в