Ағиҙел
-10 °С
Болотло
75 лет Победы
Бөтә яңылыҡтар
Яңылыҡтар
3 Май 2021, 12:02

Әбйәлил районында Советтар Союзы Геройы Таһир Күсимовтың иҫтәлегенә ат сабыштары ойошторолдо

Бәйгелә хужаларҙан тыш, Баймаҡ, Белорет, Учалы һәм Архангел райондары һыбайлылары ҡатнашты. Ярышҡа барлығы ете тиҫтәгә яҡын ат сыҡты. #Ағиҙел#АғиҙелЖурналы#Яңылыҡтар#Әбйәлил#АтСабыштары

Ат сабыштарын уҙғарыу урыны тип Айғырбатҡан ауылы эргәһендәге һабантуй майҙаны һайланған. Билдәле булыуынса, былтыр коронавирусты иҫкәртеү маҡсатында республикала һабан байрамдары ойошторолманы. Шунлыҡтан халыҡ яратып ҡараған ат ярыштары ла үткәрелмәне. Хужалар был бәйгене күренекле яҡташы Таһир Кусимовтың яҡты иҫтәлегенә арнаған. Советтар Союзы Геройы үҙе лә 112-се Башҡорт кавалерия дивизияһының 58-се кавалерия полкы командиры була.
Герой иҫтәлегенә ойошторолған ярыш көсөргәнешле үтте. Бәйге һөҙөмтәлре буйынса ике йәшкә тиклемге башҡорт аттары араһында беренсе урынды Илназ Мостафин яуланы. Эш аттары ярышҡан икенсе заезда Наталья Абуллинаға етеүсе булманы. Ҡалған дистанцияларға килгәндә, Учалы, Сибай һәм Баймаҡ районы вәкилдәре алдынғылыҡты бер кемгә лә бирмәне. Бәйгеселәр артабан Терра-Башҡортостан ат спорты турнирында ҡатнашасаҡ.
Читайте нас в