Ағиҙел
-21 °С
Болотло
75 лет Победы
Бөтә яңылыҡтар
Яңылыҡтар
13 Апрель 2021, 09:45

Дамир Шәрәфетдинов

Дамир ШӘРӘФЕТДИНОВНәсихәтДонъя матур, ғәййәр дуҫ,Һин дә саф һөйөү хисле:Асыла бел, кисер, түҙ –Тормошҡа булма үсле;

Нәсихәт
Донъя матур, ғәййәр дуҫ,
Һин дә саф һөйөү хисле:
Асыла бел, кисер, түҙ –
Тормошҡа булма үсле;
Иң-иң сөңгөлдәргә төш,
Илһамлы күктә йәшә,
Яныу ҙа – һинең өлөш,
Сөнки әле һин – Кеше!
Әйләнсек тиҙәр донъя –
Үҙгәрә хәләт, заттар…
Тик Ерҙә һин Күк булма,
Яҙған ғәмәлең атҡар!
Ни ҡылаһың, беҙгә лә
Сабырлыҡ биргән Хоҙай.
Сағыу балҡып йөҙһә лә,
Ай ҙа һалҡын таш буғай…
Нәсихәт тимәле, дуҫ –
Телмәргә мас һин үҙең.
Юҡ, тиһәм – бынағайыш,
Тотош бер телмәр теҙҙем…
Читайте нас в