“Ағиҙел”. 2020: Йыл юғалтыуы

2020 йыл республикабыҙ йәмәғәтселеге, әҙәбиәте, мәҙәниәте һәм сәнғәте өсөн бик ауыр юғалтыуҙар йылы ла булды. Донъя – бер мосафирханалыр. Инсан да (кеше лә) рухтар ғәләменән, әсә ҡарынынан, балалыҡтан, йәшлектән, ҡартлыҡтан, ҡәбер ғәләменән ахирәткә күсеп киткән бер юлсылыр...

2020 йыл республикабыҙ йәмәғәтселеге, әҙәбиәте, мәҙәниәте һәм сәнғәте өсөн бик ауыр юғалтыуҙар йылы ла булды. Донъя – бер мосафирханалыр. Инсан да (кеше лә) рухтар ғәләменән, әсә ҡарынынан, балалыҡтан, йәшлектән, ҡартлыҡтан, ҡәбер ғәләменән ахирәткә күсеп киткән бер юлсылыр...

Дамир Молҡаман улы Шәрәфетдинов

Февраль бурандары арабыҙҙан дуҫыбыҙ, ҡәләмдәшебеҙ, талантлы шағир, прозаик һәм тәржемәсе Дамир Шәрәфетдиновты алып китте.

Башҡорт телендә уның бер сифатын аңлатҡан һүҙ, төшөнсә юҡтыр ул. Урыҫса уны “жертвенное благодушие” тип кенә атап булалыр. Дамир үҙ-үҙен ҡорбан итеп, үҙ мәнфәғәтенә зыян килтереп булһа ла, башҡаларға яҡшы булһын, тип тырышып йәшәне. Уның оло йөрәгенә бар донъя һыйҙы.

Өҫтәүенә, ҡәләмдәшебеҙ үтә лә тура һүҙле булды. Тураһын әйткән хатта туғанына ла ярамай шул. Дамирҙың был сифатына тормошонда күп кенә уңайһыҙлыҡтар яһаны яһауға, әммә дуҫыбыҙ был ғәҙәтенән бер иле лә сигенмәне.

Беҙҙең өсөн ул “онлайн-энциклопедия” ла булды. Тәүлектең теләһә ҡайһы мәлендә шылтыратып, һәр өлкәгә, бигерәк тә ҡоштар, үләндәр, йәнлектәр, хайуандар донъяһына ҡараған теге йәки был һүҙҙең, төшөнсәнең башҡортсаһы йә урыҫсаһы нисек була, тип һорауың бурыс – шундуҡ яуабын да ала торғайныҡ.

Йәмле йүгерек Инйәр буйында бейек тауҙар, ҡаялар, әҙәм аяғы баҫмаған шырлыҡ урмандар менән уратып алынған уның ауылы. Тап шул тәбиғәт һылап-һыйпап ҡылыҡһырлаған да инде Дамирҙың холоҡ-фиғелен, шиғри асылын. Бындай урындарҙа тыуып үҫеүселәрҙең холҡондағы ябайлыҡҡа яҡын ҡырыҫлыҡ та, көтөлмәгән ярһыулыҡ та бар.

Ижади шәхес булараҡ Дамир беҙгә фәҡәт тыуған ауылы Көнбәлә нығыраҡ асылды. Уларҙың өйө ултырған урындан бер-ике саҡрым ситкә китһәң, шырлыҡтарҙа мәңгелеккә аҙашырға, бүрегә, һеләүһенгә йә айыуға тап булып, ҡазаланып ҡалырға мөмкинһең. Бында далалағы кеүек ирәүәнләнеп йөрөй ҙә алмайһың, һәр ваҡыт өҫтөңә ябырылыр затты көтөп йәшәйһең. Бер үк ваҡытта ундағы илаһи матурлыҡты ла күреп, һоҡланыуыңдан телдән яҙырлыҡһың. Ҡапыл килгән әжәлдең Дамирҙы беҙҙән тартып алыуын да уның тыуған ауылы янындағы көтөлмәгән хозурлыҡ тип кенә атарға булалыр. Сөнки дуҫыбыҙ ысын донъяға, Аллаһы Тәғәлә хозурына күсте.

...Бейек тауҙар, мәғрүр ҡаялар уратыуындағы Көнбә ауылы янындағы зыяратта йоҡлай дуҫыбыҙ. Оло йөрәкле дуҫыбыҙ...

Читайте нас:

© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.

Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.

Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире

Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА

Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа

Телефон

8(347)2-92-77-66

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)2-92-77-66

Редакция

8(347)2-92-77-66

Ҡабул итеү бүлмәһе

8(347)2-92-77-66