+7 °С
Болотло
Бөтә яңылыҡтар
Яңылыҡтар
8 Декабрь 2020, 21:15
Аҡмулланың йыры мәңгелек
М. Аҡмулла исемен йөрөткән Башҡорт дәүләт педагогия университеты бөгөнгө көндә республиканың иң гөрләп эшләгән мәғрифәт усаҡтарының береһе һанала, бер һүҙ менән әйткәндә – исеменә күрә есеме. “Башҡорт теле йылы”на арналған саралар сиктәрендә күптән түгел университет онлайн форматта “Яҡтылыҡ һәм изгелек йырсыһы Аҡмулла” тип аталған әҙәби осрашыу үткәрҙе. Кисә бик йылы үтте, ҡатнашыусылар үтә лә күп ине. Белеүегеҙсә, ЗУМ платформаһындағы осрашыуҙарға бер юлы йөҙҙән артығыраҡ кешене индереү мөмкинлеге юҡ, сығыш яһарға теләүселәрҙең унда эләгә алмай сират тороуы ғына ла сараның ҙур уңыш менән уҙыуы хаҡында һөйләй. (дауамы сайтта) #БашҡортТеле2020 #Баштел2020 #БашЯз2020 #ДеньБашкирскогоЯзыка2020
М. Аҡмулла исемен йөрөткән Башҡорт дәүләт педагогия университеты бөгөнгө көндә республиканың иң гөрләп эшләгән мәғрифәт усаҡтарының береһе һанала, бер һүҙ менән әйткәндә – исеменә күрә есеме. “Башҡорт теле йылы”на арналған саралар сиктәрендә күптән түгел университет онлайн форматта “Яҡтылыҡ һәм изгелек йырсыһы Аҡмулла” тип аталған әҙәби осрашыу үткәрҙе. Кисә бик йылы үтте, ҡатнашыусылар үтә лә күп ине. Белеүегеҙсә, ЗУМ платформаһындағы осрашыуҙарға бер юлы йөҙҙән артығыраҡ кешене индереү мөмкинлеге юҡ, сығыш яһарға теләүселәрҙең унда эләгә алмай сират тороуы ғына ла сараның ҙур уңыш менән уҙыуы хаҡында һөйләй.
Осрашыуҙа студенттарҙы Башҡорт филологияһы факультеты деканы Ләйлә Хөсәйенова, декандың тәрбиәүи эштәр буйынса урынбаҫары Раушания Солтаҡаева, “Ағиҙел” журналының бүлек мөхәррире, шағирә Гөлнара Хәлфетдинова, “Юлдаш” радиоһының алып барыусыһы, йәш шағир Ғәзиз Әбделмәнев сәләмләне. Улар барыһы ла Мифтахетдин Аҡмулланың башҡорт мәғрифәтселегенең башында тороуын һәм уның эшмәкәрлегенең үлемһеҙ икәнлеген һыҙыҡ өҫтөнә алып үтте, конференцияла ҡатнашыусыларға уңыштар теләне.
Студенттар, ысынлап та, сараға етди әҙерләнгән, бәйләнеш бары тик интернет аша ғына булһа ла, сығыш яһаусыларҙың һәр береһе үҙ фекерҙәрен һәм ҡараштарын тыңлаусыларға тейешенсә еткерергә ынтылды. Докладтарҙа бөгөнгө башҡорт әҙәбиәте һәм тел ғилеме өлкәһендәге актуаль мәсьәләләр күтәрелде, уларҙың үҫешенә Аҡмулла традицияларының йоғонтоһо ла аныҡ һүрәтләнде. Бигерәк тә З. Ирғәлинаның “Мифтахетдин Аҡмулланың “Нәсихәттәр” шиғырына лингвостилистик анализ”, Г. Әхмәтшинаның “Мифтахетдин Аҡмулланың шиғырҙарында риторик һәм синтаксик фигуралар”, Г. Йәғәфәрованың “М. Аҡмулла шиғырҙарында ғәрәп һәм фарсы сығышлы һүҙҙәр” кеүек ҡыҙыҡлы тематик сығыштары хәтерҙә ҡалырлыҡ булды. Докладтарҙа килтерелгән мәғлүмәттәргә бәйле бәхәстәрҙә ЗУМ-дағылар барыһы ла тиерлек әүҙем ҡатнашты. Эшлекле осрашыу ватансыл темаларға арналған йыр һәм шиғырҙар менән үрелеп барҙы. Конференцияның икенсе өлөшө иһә һөнәри йүнәлеш биреүгә арналған ине. Осрашыуҙы ойоштороусы һәм алып барыусы Раушания Әбделхәй ҡыҙының әйтеүенсә, Башҡорт филологияһы факультеты яңы шарттарҙа уҡытыуға тиҙ яраҡлашҡан һәм ошондай йәнле осрашыуҙар бында йыш ойошторола, был күренеш тә Аҡмулла аманатына тоғролоҡтоң бер күрһәткесе бит!
Гөлнара Хәлфетдинова.
Читайте нас:
© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.
Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.
Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире
Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА
Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа
Телефон
8(347)2-92-77-66
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)2-92-77-66
Редакция
8(347)2-92-77-66
Ҡабул итеү бүлмәһе
8(347)2-92-77-66