Ағиҙел
-15 °С
Болотло
75 лет Победы
Бөтә яңылыҡтар
Яңылыҡтар
4 Декабрь 2020, 10:50

Мөздәлифә доғаһы

Зөлфиә ХАННАНОВАМӨЗДӘЛИФӘ ДОҒАҺЫ Мөздәлифә! Күкһел таштарыңды Барлай-барлай йыйҙым атмаға. Теге шайтанға ул тейер, бәлки, Туған телде йөрөй һатмаға.

Зөлфиә ХАННАНОВА
МӨЗДӘЛИФӘ ДОҒАҺЫ

Мөздәлифә! Күкһел таштарыңды
Барлай-барлай йыйҙым атмаға.
Теге шайтанға ул тейер, бәлки,
Туған телде йөрөй һатмаға.

Мөздәлифә! Ниндәй доға уҡып
Ҡурсалайым икән халҡымды?!
Туған телкәйемде быуыр өсөн
Иблис ғәскәрҙәре ҡалҡынды...

Мөздәлифә! Эй тырышып йыйҙым,
Сәпкә тейһен инде был таштар!
Тыуған илкәйемдә доға көтә
Тел һағына баҫҡан яҡташтар.

Мөздәлифә! "Аллаһ бөйөк!" – тиеп,
Һәр бер ташҡа ҡеүәт һораным,
Гонаһтарым минең ҡалһа, ҡалһын,
Милләтемде ҡотҡар, Илаһым!
Читайте нас в