Ағиҙел
-20 °С
Болотло
75 лет Победы
Бөтә яңылыҡтар
Яңылыҡтар
24 Ноябрь 2020, 10:05

Өфөлә скульптор, Салауат Юлаев һәйкәле авторы Сосланбәк Тавасиевтың күргәҙмәһе асыла.

26 ноябрҙә Башҡортостан Республикаһының Милли музейында бөйөк скульптор Сосланбәк Тавасиевтың «Дан һәм батырлыҡ хаҡында» күргәҙмәһе асыла.Ижади эштәр музейға скульпторҙың ғаилә архивынан һәм «Абрамцево» музей-ҡурсаулығынан килтерелә. #Ағиҙел#АғиҙелЖурналы#Яңылыҡтар#Күргәҙмә#Тавасиев

26 ноябрҙә Башҡортостан Республикаһының Милли музейында бөйөк скульптор Сосланбәк Тавасиевтың «Дан һәм батырлыҡ хаҡында» күргәҙмәһе асыла.
Ижади эштәр музейға скульпторҙың ғаилә архивынан һәм «Абрамцево» музей-ҡурсаулығынан килтерелә.
Билдәле сәнғәт әһеленең эштәре өс өлөштә тәҡдим ителә: «Сығанаҡтар, Советтар иле тарихы һәм оҫтарыу юлы»; «Яңы Абрамцево»; «Салауат Юлаев һәйкәле». Сосланбәк Тавасиевтың 1930-1950 йылдарҙағы скульптура эскиздары һәм график эштәре, станокта гипстан, таштан, ағастан һәм бронзанан башҡарылған скульптуралары ваҡыт сағылыш тапҡан көсөргәнешле ижади процесс киңлеген тыуҙыра. Күргәҙмәнең иң юғары нөктәһе – «Салауат Юлаев һәйкәле» бүлеге.
Күргәҙмә 20 декабргә тиклем дауам итә.
Сосланбәк Тавасиев (1894-1974) — күренекле скульптор-монументалист, Өфөлә урынлашҡан Салауат Юлаев һәйкәле авторы. 2020 йылдың февралендә Башҡортостан Республикаһы Башлығы уның хәтерен мәңгеләштереү тураһында указға ҡул ҡуйҙы. Башҡортостанда Сосланбәк Тавасиев исемендәге стипендия булдырылған.
Читайте нас в