Ағиҙел
-14 °С
Болотло
75 лет Победы
Бөтә яңылыҡтар
Яңылыҡтар
5 Август 2020, 20:39

БАШҠОРТОСТАН

#Ағиҙелжурналы

Күңелемде һағыш баҫҡан саҡта
Мин далаңа барам йүгереп,
Хәл етмәһә, мин имгәкләп барам,
Уйҙарымды дала елдәрендә
Өлгөрәйем, тиеп, елгәреп;
Күңелемә ҡайтҡас далалағы
Таңғы һиллек, таңдың сафлығы,
Эй кинәнеп, йырлап, рәхәтләнеп,
Мин аҙашам ҡара урманыңда,
Йыра-йыра фекер шырлығын.
Йәнем тарта
Шүлгәнташтарыңа,
Ишәйәләр унда дуҫтарым.
Тәү кешенең таш ҡыуышта
ҡалған
Йән йылыһын тойған
ҡыуаныстан
Йыйып алалмайым һуштарым;
Тәрәнлектәр эҙләп, Асылыңда
Мәке уям ҡара һыуыҡта,
Тәрәнлекте тойһаң күҙҙәремдә,
Асылының ҡыҙы бит ул, тиеп,
Иҫкә төшөрөрһөң юҡ-юҡта.
Ирәмәлгә менәм мин ирәйеп,
Тауҙан йырлар йырым бар, тиеп.
Йырым һин бит, илем –
Башҡортостан,
Башҡортостан, һинең исемеңде
Йырлау мөмкин түгел баш эйеп.
Башҡортостан, һинең
ҡосағыңда
Һиңә оҡшап үҫкән мин – балаң.
Кендектәрем һинән киҫелмәгән,
Ауыр йәки еңел һәр көнөңдә
Һинең менән бергә тын алам.
Читайте нас в