Бөтә яңылыҡтар
Яңылыҡтар
18 Июнь 2020, 11:40

"Һаулыҡ һаҡлау" милли проекты: Миәкәлә бер юлы ике ФАП асыласаҡ

#национальныепроекты#нацпроекты#региональныепроекты#регпроекты#нацпроектыБашкортостан

Быйыл Миәкә районында бер юлы ике ФАП асыласаҡ. ”Һаулыҡ һаҡлау” милли проектына ярашлы төҙөлгән медицина учреждениеларының береһе Өршәктә, икенсеһе Бәләкәй Кәркәле ауылында сафҡа инәсәк.
Уларҙың икеһе лә элекке иҫке ФАП-тар биләмәһендә төҙөләсәк. Эш ике аҙна элек башланды ла инде. Бөгөн бөтә коммуникацияларҙы үткәреү дауам итә. Фельдшерлыҡ пункттары яңы заманса ЭКГ аппараттары, дефибрилляторҙар, ҡорамалдарҙы йоғошһоҙландырған махсус шкафтар менән йыһазландырыласаҡ.
Медицина хеҙмәткәрҙәре лә, ауылдаштар ҙа яңы медицина пункттарының асылыуын сабыр ғына көтә. “Башланған эш – бөткән эш”, - ти улар. Миәкә районы үҙәк дауаханаһының баш табибы Илшат Ғилемйәнов әйтеүенсә, милли проект эште ҡыҫҡа ваҡытта тамамларға мөмкинлек бирә, ФАП-тар июлдең тәүге көндәренән пациенттарҙы ҡабул итергә әҙер буласаҡ.
Читайте нас в