Бөтә яңылыҡтар
Яңылыҡтар
15 Июнь 2020, 15:43

Заман үҙгәрештәр талап итә

#Ағиҙелжурналы

Рәсәй Конституцияһына үҙгәрештәр индереү буйынса тауыш биреү көнөнә ике аҙна самаһы ваҡыт ҡалып килә.
Башҡортостан Дәүләт Йыйылышы – Ҡоролтай рәйесе Константин Толкачев Дөйөм Рәсәй тауыш биреү сараһын камиллаштырыу буйынса депутаттарҙың пландары тураһында һөйләне.

"Конституция үҙенең йәшәүгә һәләтлелеген күрһәтте, шулай ҙа тормош бер урында тормай, яңы талаптар барлыҡҡа килә. Төп Закон ябай булмаған иҡтисади һәм сәйәси хәлдәр ваҡытында ҡабул ителде. Бөтә нескәлектәрен дә күҙаллау, илдең киләсәктәге үҫешен алдан белеү мөмкин түгел ине. Ике-өс тиҫтә йыл бер ҡарауға әҙ кеүек, әммә тормош ҡырҡа үҙгәрә. Бөгөн Конституцияны яңы мөнәсәбәттәргә, заман талаптарына яраҡлаштырырға кәрәк.
Төҙәтмәләр пенсияларҙы, йәшәү минимумынан түбән булмаған хеҙмәткә түләүҙең минималь күләмен даими индексациялауҙы, Рәсәйҙә мөһим вазифалар биләгән кешеләргә сит ил гражданлығына эйә булыуҙы тыйыуҙы, Президент вазифаһына кандидаттарға өҫтәмә талаптарҙы Конституцияла нығытыуҙы күҙ уңында тота. Бынан тыш, илебеҙҙең тәбиғи байлыҡтарын һаҡлап ҡалыу, дәүләттең бөтөнлөгөн, бойондороҡһоҙлоғон көсәйтеү, уның оборонаға һәләтлелеген арттырыу тураһындағы положениелар мөһим", – тип белдерҙе Дәүләт Йыйылышы – Ҡоролтай рәйесе Константин Толкачев.
Читайте нас: