Ағиҙел
-15 °С
Болотло
75 лет Победы
Бөтә яңылыҡтар
Яңылыҡтар
2 Июнь 2020, 11:54

Конституцияға төҙәтмәләр индереү буйынса тауыш биреү 1 июлдә уҙа

#Конституция

Был турала Рәсәй президенты Владимир Путин илдең төп документына үҙгәрештәр һәм өҫтәмәләр индереү буйынса эшсе төркөмө менән осрашыуҙа белдерҙе.
1 июль шаршамбыға тура килә, был көн әле үк ял тип иғлан ителгән, әммә хеҙмәт хаҡы һаҡланасаҡ. Ил башлығы хәүефһеҙлек мәсьәләләренә айырым иғтибар биреү бурысын ҡуйҙы. Рәсәйҙә эпидемиологик хәл яҡшыра бара, бер ай эсендә күрһәткестәрҙе тағы яҡшыртыу мөмкинлеге бар, тине Президент.
Үҙәк һайлау комиссияһы Рәсәй ҡулланыусылар хоҡуҡтарын күҙәтеү идаралығы менән берлектә тауыш биреү буйынса тәҡдимдәр ҙә әҙерләгән. Был иҫкәрмәләр граждандарҙың үҙ ара контакттарын кәметергә булышлыҡ итәсәк. Тауыш биреүселәр битлек, бирсәткәләрҙән тыш, бер тапҡыр ғына ҡулланыла торған ручкалар менән дә тәьмин ителәсәк. Үҙәк һайлау комиссияһы рәйесе Элла Памфилова фекеренсә, тауыш биреү процесы кибеткә барыуға ҡарағанда ла хәүефһеҙерәк буласаҡ. Участка янында урамда тауыш биреү мөмкинлеге лә ҡарала. Илдең ике-өс төбәгендә электрон тауыш биреү ҙә ойоштороласаҡ. Владимир Путин Конституцияла үҫеп килгән быуын хаҡында хәстәрлек тураһындағы положениены ла нығытыу бурысын ҡуйҙы.

bash.news

Читайте нас в