+7 °С
Болотло
Бөтә яңылыҡтар
Яңылыҡтар
14 Май 2020, 22:34
Хәсән Назар: "Ҡәҙерле дуҫтарым"
#Ағиҙелжурналы #ХәсәнНазар
Ун өс йәшемдән үк хат алышҡан, аҙаҡ Өфөлә уға һыйынып тигәндәй йәшәгән Зәйнәб апай, һалдат хеҙмәтендә сағымдан хатлашҡан, аҙаҡ ун йыл буйы аралашҡан Рәми ағай тураһында әйтер һүҙҙәремде иҫтәлектәремдә яҙғанмын. Әле ҡабаттан тәфсирләп торһам, оҙонға китер ине. Уларҙан тыш, Мостай Кәрим, Назар Нәжми, Әхиәр Хәким, Рәшит Солтангәрәевтәр үҙ күргән ҡәҙерлеләрем, өлкән дуҫтарым булды тип әйтергә йөрьәт итәм. Донъяуи яҡлап та ярҙамдары булды. Мәҫәлән, әле ғаиләм менән йәшәп ятҡан фатирҙы юғарынан юллап Мостай ағай алып биреште. Уларҙан — олуғ шәхестәрҙән – алған һабаҡтарҙың иң ҙуры шулдыр: ябайлыҡта — бөйөклөк, шуны күрҙем. Әҙәбиәт, ижад яҙмышты һорай, шуны ныҡлап белдем. Ҡыҫҡаһы, шиғырым аңғартһын йөрәк һүҙен.
Зәйнәб апай, Рәми ағай...
Аһ, иң ҡәҙерле заттар.
Яна рухта һеҙ үрләткән,
Дөрләткән изге уттар.
Мостай ағай, Назар ағай...
Аһ, иң зиннәтле заттар,
Сапсый Парнас үрендә һеҙ
Ҡалдырып киткән аттар.
Әхиәр ағай, Солтангәрәй...
Аһ, иң һиммәтле заттар!
Яр һала күңел донъяға:
Ҡайтар уларҙы, ҡайтар.
Ҡыуаныстан иҫергәндә,
Килгәндә ҡыйын саҡтар,
Уларға һыйынды йәнем,
Үҙ итте аҫыл заттар.
Һүнмәй һеҙ ҡалдырған уттар,
Көнөмдә шуға ҡот бар.
Һеҙ гел иҫтә тере төҫтә,
Аһ, иң ҡәҙерле заттар!
Үткәндәргә күҙ һалып, өлкәндәргә ҡағылышлы һүҙ алып, шуны әйтәм: уларҙың һәр ҡайһыһы менән аралашырға, ҡайһы береһе менән хатта дуҫлашырға насип итте. Рәшит Ниғмәтиҙән башҡа барлыҡ ағай-апайҙарҙы күреп, белеп өлгөрҙөм. Баязит Бикбай, Сәләх Кулибай тураһында “Алғы сафта” тигән шиғырым да бар. “Ағиҙел” редакцияһында, унан ары “Башҡортостан”да эшләгәс, гел әҙәбиәткә, сәнғәткә бәйле хәстәрлектәр менән булғас, күп инде ул минең — уларға, уларҙың миңә һүҙе, хатта ҡайһы бер серҙәре һыйған әҙиптәр. Хәким Ғиләжев, Яҡуп Ҡолмой, Шакир Янбаев, Фәүзиә Рәхимғолова, Нәжиб Асанбаев, Ғәзим Шафиҡов, Суфиян Поварисов, Азат Мағазов (уның урыҫ телендә яҙылған “Шоңҡар юлы” повесын башҡортсаға тәржемә иттем — юл астым әҙәбиәткә)... Барыһы ла яҡын, иҫтәлектәре ҡәҙерле.
Читайте нас:
© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.
Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.
Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире
Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА
Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа
Телефон
8(347)2-92-77-66
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)2-92-77-66
Редакция
8(347)2-92-77-66
Ҡабул итеү бүлмәһе
8(347)2-92-77-66