-10 °С
Болотло
Бөтә яңылыҡтар
Яңылыҡтар
7 Май 2020, 20:43
Улар Еңеү өсөн һәләк булдылар!
Эй, ғүмерҙең һуңғы сәғәте,Һин миңә лә шулай күкрәп кил.Батырҙарын иҫкә алғанда,Онотмаһын мине лә Тыуған ил.Бөйөк Ватан һуғышында халҡыбыҙҙың тиҫтәнән ашыу таныулы яҙыусыһы ил азатлығы өсөн үҙ ғүмерен ҡорбан итә, уларҙың исеме мәңгелеккә халыҡ күңелендә ҡалды.#Ағиҙелжурналы #Фронтовикәҙиптәр #яугиряҙыусылар
Онотмаһын мине лә Тыуған ил
Яралынан аҡҡан ҡан кеүек,
Таң ҡыҙара офоҡ ситендә.
Һөжүм үтте. Тынлыҡ. Ял итә
Бәрелеш ҡыры туҙан, төтөндә.
Ләкин берәү таңды күрмәне:
Ул йәш егет Урал буйынан.
Ҡосҡан кеүек бала әсәһен,
Ҡалҡыу ерҙе ҡосоп йығылған.
Һәм боҫланып аҡҡан ҡайнар ҡан –
Һуңғы бүләк һөйгән еренә,
Айырыла алмай, изге тупраҡты
Үбә кеүек һаман ирендәр.
Эй ғүмерҙең һуңғы сәғәте,
Һин миңә лә шулай күкрәп кил.
Батырҙарын иҫкә алғанда,
Онотмаһын мине лә Тыуған ил.
Яралынан аҡҡан ҡан кеүек,
Таң ҡыҙара офоҡ ситендә.
Һөжүм үтте. Тынлыҡ. Ял итә
Бәрелеш ҡыры туҙан, төтөндә.
Ләкин берәү таңды күрмәне:
Ул йәш егет Урал буйынан.
Ҡосҡан кеүек бала әсәһен,
Ҡалҡыу ерҙе ҡосоп йығылған.
Һәм боҫланып аҡҡан ҡайнар ҡан –
Һуңғы бүләк һөйгән еренә,
Айырыла алмай, изге тупраҡты
Үбә кеүек һаман ирендәр.
Эй ғүмерҙең һуңғы сәғәте,
Һин миңә лә шулай күкрәп кил.
Батырҙарын иҫкә алғанда,
Онотмаһын мине лә Тыуған ил.
Мәлих Харис (1915-1944)
***
Һуңғы һулышҡаса бәхетлеләр -
Үлеүселәр көрәш утында.
Улар йәшәр үҙҙәренән һуң да
Ерҙә тыуған яңы быуында.
***
Керпек ҡаҡмай поста тора
Илдең ҙур өмөттәре-
Типкән саҡта тимер өҙгән
Ҡеүәтле егеттәре.
Тыуып-үҫкән илебеҙгә
Дошмандар килһә әгәр,
Күтәрелер ил Балтиктан
Тымыҡ океанға ҡәҙәр.
Мөхәмәтйәров Хәй Ғәбдрәфиҡ улы (1911-1941)
Бик һағындым, әллә шуға күрә
Ел тауышы ла моңло тойола,
Уттар аша үткән сағымда ла
Булаһығыҙ минең уйымда.
Елдәр булһам әгәр,һәр таң һайын
Һеҙҙең яҡҡа иҫер инем мин.
Гөлдәр булһам,тәҙрә төбөгөҙгә
Сәскә атып үҫер инем мин.
Килер бер көн,
Яуыз дошмандарҙы
Тар-мар итеп ерҙән һөрөрбөҙ.
Еңеү дан менән ҙур урамда
Оло байрам яһап йөрөрбөҙ. (1943 йыл)
Бәҙрүш Моҡамай (1909-1944)
Айырылыу йыры
Болғап ҡалған ҡулъяулығың,
ҡулъяулығың,
Дебетләп сиккән икән,
Дебетләп сиккән икән,
Ташламаҫҡа һүҙҙәр бирҙең,
һүҙҙәр бирҙең,
Ташламаҫһыңмы,иркәм?!
Ташламаҫһыңмы,иркәм?!
Поезд һаман ярһып сабыр,
ярһып сабыр-
Аралар алыҫланыр,
Аралар алыҫланыр,
Айырылыуға шаһит булып,
шаһит булып,
Тулған ай ҡарап ҡалыр,
Тулған ай ҡарап ҡалыр,
Болғап ҡалған ҡулъяулығың,
ҡулъяулығың,
Һағышлы тирбәп ҡала,
Һағышлы тирбәп ҡала,
Ай минең менән бара,
Ай минең менән бара. (1939)
Әхмәт Шакири (1920-1941)
Дуҫ ҡәбере янында
Хуш бул,дуҫҡай,
ҡәбереңә, бәлки,
Һуңғы тапҡыр килеп торамдыр.
Ишетәһеңме,
позициялар буйлап,
-Һөжүмгә!-тип сигнал уйналды.
Был сигнал,
ҡаты оран булып,
Үс алырға беҙҙе саҡыра.
Ғәфү ит, дуҫ,
оҙаҡ тора алмайым,
Тағы атакаға ашығам.
Һәм ғәфү ит,дуҫҡай ,
ҡәбереңде
Сәскә менән биҙәп торманыҡ.
Һәйкәл өсөн баш осона тағы
Йондоҙ-фәлән яһап ҡуйманыҡ.
Үҙ окобың - һинең ҡәберең булды.
Һәм һин - һалдат - уны аңларһың;
Хаҡыбыҙ юҡ беҙҙең - үпкәләргә
Ҡаты яҙмышына һалдаттың.
Башыбыҙҙы эйҙек окобына,
Бер минутҡа ғына теҙләнеп.
Үс алырға өнһөҙ анттар бирҙек,
Автоматты ҡыҫып, тешләнеп.
Залп бирмәнек.
Һиңә тигән залптар
Дошман йөрәгенә атылыр.
Беҙ - ҡорбандар өсөн
иң ҙур һәйкәл -
Еңеү тигән һәйкәл һалыныр. (1942)
Төхвәт Морат (1906-1944)
Беҙҙең данлы,
ауыр фронт юлы
Балҡан түбәләрен ауыша...
Һинең хатың,
йә ял,
йә походта,
Йә һуғышта килеп ҡауыша.
Хаттарыңда
Ҡараштарыңды ла,
Йылмайыуыңды ла һалаһың...
Ә үҙең унда,
бик, бик алыҫта,
Күңелем күген биләп ҡалаһың.
Сабир Кинйәкәй (1919-1945)
Шатлығым таша бөгөн
Өҫтәлемдә, ана, повестка бар,
Призывҡа барам иртән мин.
Беләм, комиссия яҡшы табыр,
Йоҡлап булмай, таңды көтәмен.
Мин быйыл йәй заставала булдым,
Яҡын кешем унда командир.
Күҙ алдымда һаман шат боецтар,
Баҡсаларҙай көньяҡ, матур ер.
Миллиондарҙың тыныслығын һаҡлап,
Һәр ҡамышын белеп даръяның
Һаҡта тороусыларға һоҡланыу
Һәм көнләшеү менән ҡараным.
Һәм көн етте,
Мин дә боец булам...
Ғәли Әхмәти (1920- 1941)
Ҡара йөҙҙәр бөтмәҫ һәм төкәнмәҫ
Асыу ҡаҡлай икән илемә;
Сәғәт, минут һайын ынтыла икән
Тап һалырға Совет еремә.
Ҡояш яҡтыһылай илебеҙҙе
Ҡанлы күҙҙәр көн дә күрәләр,
Тик ҡорос стенаны үтәлмайҙар,
Юлдар ҡыҙыу сиккә терәлә!
Мансуров Зөфәр Хәйретдин улы (1909-1941)
Сәскәләргә күмелеп,
күкрәп килгән
Тыуған илем минең,
Төҫлөлөктә һәм бай булыуҙа
Тиңдәшең юҡ һинең!
Ант итәм мин,уны йөрөгемдең
Хистәренә төрөп:
- Республикам, һиңә берҙән-бер һәм
Ҡабатланмаҫ ғүмерем!
Был минең һис керһеҙ күкрәгемдән
Ҡайнап сыҡҡан антым.
Йәшәһен, бөйөк партия,
Һәм дә совет халҡы.
Ҡунаҡбаев Хөсәйен Әхмәтйән улы (1912-1943)
Өҫтөбөҙгә уттар яуғанда ла,
Алған ерҙе ташлап китмәҫкә,
Ун мәртәбә тәнгә яра алып,
Ҡандар аҡҡанда ла сикмәҫкә!
Һәр беребеҙҙең күңеле шулай уйлай,
Шул хис менән ҡайнай ҡаныбыҙ.
Беҙ беләбеҙ:
Үҙебеҙ үлгәндә лә,
Мәңгелеккә ҡалыр даныбыҙ.
Бәҙрүш Моҡамай (1909-1944)
Мә, дуҫ кеше, һиңә микроскоп,
Әгәр теләһәң ҡаным ҡарарға.
Коммунаға ҡаршы кер табалһаң,
Минән рөхсәт йөрәгемде утҡа яғырға.
Ошо йөрәк инде ярһып тибә,
Эштә яна - илде төҙөргә,
Машиналы колхоз ҡырҙарында
Бергә эшләп, бергә көлөргә.
Йосопов Ғайса Ғәлиәкбәр улы (1905-1941)
Читайте нас:
© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.
Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.
Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире
Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА
Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа
Телефон
8(347)2-92-77-66
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)2-92-77-66
Редакция
8(347)2-92-77-66
Ҡабул итеү бүлмәһе
8(347)2-92-77-66