Ағиҙел
-11 °С
Болотло
75 лет Победы
Бөтә яңылыҡтар
Яңылыҡтар
30 Март 2020, 18:40

Игелекле баймаҡтар

Баймаҡ эшҡыуары Илсур Нәбиуллин ауылдарға битлектәр өләшеп сыҡҡан.

Коронавирус менән Баймаҡтар бергәләп дәррәү көрәшә. Район дауаханаһында хирургия бүлеге табиптары эшенән буш ваҡытта халыҡҡа битлектәр тегә, был хаҡта улар "Инстаграм"да хәбәр итә.
Ә Илсур Нәбиуллин исемле эшҡыуар Темәс, Бетерә ауылдары халҡына бушлай битлектәр таратып сыҡҡан. Бына нимә тип яҙған мәрхәмәтле егет: “Хәл ҡатмарлы һәм барлыҡ эшҡыуарҙарҙың да артыҡ аҡсаһы юҡ. Шулай ҙа мин уларҙы барлыҡ республика, ҡала, район һәм ауыл халҡына ҡулдан килгәнсә ярҙам итергә саҡырам, - тип яҙа. – Беҙҙең арала яңғыҙ, мохтаж, аҙ килемле кешеләр бар. Ҡайһы берҙәренең битлек, антисептик, бирсәткә алырға ла мөмкинлеге юҡ. Бары берләшеп, бер-беребеҙгә ярҙам итешеп, был ауырыуҙы таратыуға юл ҡуймаҫ өсөн барлыҡ талаптарҙы үтәгәндә генә беҙ уның еңә алабыҙ. Миңә битлек таратырға ярҙам иткән барлыҡ егеттәргә ҙур рәхмәт! Бөтәһе лә һау-сәләмәт булһын!”
Читайте нас в