Ағиҙел
-14 °С
Болотло
75 лет Победы
Бөтә яңылыҡтар
Яңылыҡтар
17 Март 2020, 11:42

Башҡортостанда өс ай эсендә инфекция дауаханаһы төҙөү ҡарала

#ВладимирПутин

Был турала кисәге оператив кәңәшмәлә Республика башлығы белдерҙе. Медицина учреждениеһын тиҙ арала сафҡа индереү ихтыяжы тотош донъяға таралған мәкерле сир-короновирус менән бәйле. Әле Башҡортостанда теркәлгән осраҡтар юҡ, әммә уяулыҡты юғалтырға ярамай, тине Радий Хәбиров.
Бынан тыш, меңдән ашыу кеше ҡатнашлығындағы эшлекле, мәҙәни, спорт сараларын уҙғарыу тыйыла. Ошо хаҡтағы күрһәтмәгә кисә Радий Хәбиров ҡул ҡуйҙы. Документҡа ярашлы, сит илдәргә, Рәсәйҙең хәүефле төбәктәренә сәфәрҙәр, командировкалар сикләнә. Ә Ҡытай, Көньяҡ Корея, Италия, Иран, Франция, Германия, Испаниянан ҡайтыусылар ике аҙна буйы өйҙән сыҡмаҫҡа, тикшереү үтергә тейеш. Ә табиптар әҙерлеген, инструктаж алыуын дауам итә, өҫтәмә рәүештә медицина битлектәренә заказ бирелгән.
Мәғариф учреждениеларның эшмәкәрлегенә килгәндә, мәктәптәр киләһе аҙнанан яҙғы каникулға китә. Әгәр ихтыяж тыуа икән каникулдар бер аҙнаға, хатта унан да оҙаҡҡараҡ оҙайтыласаҡ тине Радий Хәбиров. Әле иһә дистанцион уҡыуға күскән юғары уҡыу йорттары хаҡында мәғлүм.
Рәсәй Президенты Владимир Путин Дәүләт советының коронавирусҡа ҡаршы көрәш буйынса эш төркөмөн булдырҙы, сит илдәргә юлдарҙы ябып бөтөп бара. Бөгөнгө көндә Рәсәйҙә 63 кеше коронавирус йоҡторған. Донъяла иһә, һуңғы мәғлүмәттәр буйынса, 169 меңгә яҡын кеше сирләгән. Вирус 146 илдә таралған.
#ВладимирПутин
Читайте нас в