ЯРАЛЫ БӘХЕТ (хикәйәт). Зәйтүнә Айытбаева
Бөтә яңылыҡтар
Яңылыҡтар
12 Декабрь 2019, 12:00

Туған тел тураһында афоризмдар: Назар Нәжми, Мостай Кәрим, Ғайса Хөсәйенов, Аҡмулла, Рәми Ғарипов.

Факил Мырҙаҡаевтың “Ынйы бөртөктәре. Башҡорт афоризмдары” китабы”нан. Өфө – 2017

ТУҒАН ТЕЛ
Туған телем — ер-һыуымдың һыны,
Яҡты донъям, һауам, һулышым.
Сал быуаттар, йөҙәр быуын аша
Тыумышымдан килгән булмышым.
Назар Нәжми
Әсәм теле — иман телем,
Әгәр һине һағынмаһам,
Көн дә һиңә табынмаһам,
Телдәремдән яҙыр инем.
Мостай Кәрим
Туған тел — ул ата-әсәң теле, донъяла тәү ишеткән һүҙең, асылған телең, рухи моңоң.
Ғайса Хөсәйенов
Татлы телдең төбө шәрбәт, мөләйем.
Аҡмулла
Халҡым теле миңә — хаҡлыҡ теле, —
Унан башҡа минең илем юҡ;
Илен һөймәҫ кенә телен һөймәҫ,
Иле юҡтың ғына теле юҡ!
Рәми Ғарипов
Читайте нас в