Бөтә яңылыҡтар
Яңылыҡтар
8 Июль 2019, 18:16

Ни өсөн эш хаҡы түбән? Радий Хәбиров иҡтисадтың төп етешһеҙлеген күрһәтте.

“Башҡортостан иҡтисадының иң ҡурҡыныс проблемаһы булып түбән эш хаҡы тора”, – тип билдәләне Радий Хәбиров “Эхо Москвы в Уфе” радио каналына биргән интервьюһында. Республика етәксеһенең һүҙҙәренә ҡарағанда эш хаҡы аҡырын үҫә, ләкин, башҡа төбәктәр менән сағыштырғанда, түбән килеш ҡала. Етәксенең һүҙҙәренә ҡарағанда, төбәк Хөкүмәте был йәһәттән эшләй, әммә эш күп әле. #нацпроекты; #региональныепроекты; #регпроекты; #нацпроектыБашкортостан

Радий Хәбиров әйтеүенсә, эш хаҡы төбәк иҡтисады хәленең иң мөһим күрһәткесе булып тора. “Республикала һуңғы ике-өс йылда инвестициялар индереү түбәнәйгән”, – тине Радий Хәбиров. Шуға ҡарамаҫтан, былтырғы осор менән сағыштырғанда, тәүге ярты йыллыҡты 104,3 процент менән тамамлағандар.
Киләсәк өмөтлөмө һуң? “Ышаныс бар, – ти Радий Хәбиров, – иҡтисад йәһәтенән беренсе ярты йыллыҡ ҡыуандырҙы. Сөнки беҙ иҡтисадты үҫтерерлек аҙымдар яһаныҡ. Оҙаҡламай уларҙың һөҙөмтәһе буласаҡ”.
Республика етәксеһенән иҡтисадтағы проблемалар, эш хаҡының түбән булыуы
тураһында һүҙҙәрен беҙ һуңғы йылдарҙа тәүге тапҡыр ишетәбеҙ. Әгәр был хаҡта
Радий Хәбиров һөйләй икән, тимәк, етешһеҙлектәрҙе белә һәм хәл итергә теләй.
Үкенескә ҡаршы, һуңғы 8-9 йылда күберәк, йәнәһе, булмаған уңыштар тураһында
ҡабартып һөйләнек, ысынбарлыҡты күрмәҫкә тырыштыҡ. Дәүләт халыҡҡа ярҙам итергә,
эш хаҡын, пособиеларҙы арттырырға теләй. Хәҙер элекке һымаҡ: “Аҡса юҡ, тик һеҙ
түҙегеҙ!” – тип кенә ҡотолоп булмаҫ. Милли проекттарҙы тормошҡа ашырыу ҙа
халыҡтың йәшәү кимәлен күтәреүгә, йәшәйеште яҡшыртыуға йүнәлтелгән. Был мөһим
саралар Башҡортостан халҡының да йәшәү шарттарын яҡшыртыуға булышлыҡ итәсәк.
Читайте нас в