+16 °С
Облачно
Файҙалы эштәр йылы
4 Августа , 08:10
Башҡортостанда пилотһыҙ системалар батальоны булдырылды
Был хаҡта республика Башлығы Радий Хәбиров белдерҙе.
Башҡортостанда пилотһыҙ системалар батальоны булдырылды
Республика етәксеһе һүҙҙәренсә, яңы батальон төҙөү тәҡдиме менән хәрби частарҙың береһендә хеҙмәт итеүсе һалдаттар мөрәжәғәт иткән.
«Мин был башланғысты хупланым. Ни өсөн? Беҙҙең егеттәр араһында пилотһыҙ системалар батальонында хеҙмәт итергә теләүселәр күп — был яңы элиталы ғәскәр, беҙҙең армияның киләсәге. Ә башҡорт батальондарын төҙөү тәжрибәһе күрһәтеүенсә, был беҙҙең ярҙамды һөҙөмтәлерәк итә. Беҙ даими рәүештә һалдаттарға хәрби бурыстарҙы үтәү өсөн бөтә кәрәкле ярҙамды ташыйбыҙ. Беҙҙең егеттәрҙе тыуған ерҙән алыҫта яҡташлыҡ тойғоһо берләштерә», — тине Хәбиров.
Башҡортостан Башлығы белдереүенсә, яңы хәрби подразделение бөтә төр льготалар һәм ярҙам саралары менән тәьмин ителәсәк.
«Хеҙмәткә юлланыр алдынан уларға уҡып сығырға кәрәк буласаҡ. Яңы батальонға ике тапҡыр Советтар Союзы Геройы Муса Гәреев исеме биреләсәк. Әгәр һеҙ уға ҡушылырға ҡарар итһәгеҙ, Өфө ҡалаһы, Октябрь революцияһы урамы, 3 адресы буйынса мөрәжәғәт итегеҙ. Батальонға яҙылыу буйынса һорауҙарҙы +7 995 948 65 41 телефон һандарына шылтыратып белешергә мөмкин», — тип уртаҡлашты Башлыҡ.
Фото: Эдуард Ҡусҡарбәков
