+17 °С
Облачно
Файҙалы эштәр йылы
9 Июля , 15:40
«Әсән» Матбуғат йортонда ҡунаҡта
Бабич төйәгенән сыҡҡан йырсы, «Әсән» ҡушаматлы МХО яугиры Радик Динәхмәтов бөгөн журналистар менән осрашты.
«Әсән» Матбуғат йортонда ҡунаҡта
«МХО биләмәһендә оркестр төҙөлә, тигәс, шунда эләгермен, тип уйлағайным. Әммә тәүге көндө үк “Ашығыс ярҙам” машинаһы асҡысын ҡулыма тотторҙолар, – тип йылмая ул. – Водитель тәжрибәм ҙур түгел ине, өйрәндем. Хәҙер инде дүртенсе “УАЗ”икты ауыҙыҡланым».
Халыҡ артисының күңеленән моң ағылды: йырланы ла, шиғыр ҙа һөйләне.
«Яу шарттарында туғанлашып бөтәһең, өйҙәгеләрҙе генә түгел, ундағыларҙы ла ғаилә тип һанарға була. Үҙ яртыһын табып өйләнешкән парҙар ҙа бар. Ә бына беҙҙең республика халҡының берҙәмлегенә барыһы ла һоҡлана. Гуманитар ылауҙар күп ебәрелә, ә ҡыҫҡа ваҡытлы ялға ҡайтыусыларҙа автобус менән алып ҡайтып, кире алып барыуҙарына бигерәк тә аптырайҙар», — тине батыр яҡташыбыҙ.
Төрлө милләт вәкилдәре араһында “Башкир” позывнойын алыусылар күп икән. Башҡорт ерендә тыуып үҫкән, рухлы ир-егеттәр улар.
«Ә мин үҙем позывнойҙы оҙаҡ һайлап ултырманым, шунда уҡ башҡа килде, – ти яугир. Эйе, уның Дүртөйлө районы Әсән ауылынан булыуы хаҡында ла күптәр белә».
Радик Динәхмәтов йәше буйынса 3 йыл ярымдан хеҙмәттән бушатылырға тейеш. Әммә уға хәтлем һуғыш туҡтаһын инде, тип теләй йырсы.
«Әсән» Матбуғат йортонда ҡунаҡта
