+3 °С
Болотло
Бөтә яңылыҡтар
Файҙалы эштәр йылы
25 Март , 11:42
Өфөлә «Әсә һүҙе» шиғырҙар йыйынтығының исем туйы уҙҙы
Китапта МХО-ла ҡатнашҡан яугирҙәрҙең әсәләренкң һәм ҡатындарының шиғырҙары тупланған. Һәр әҫәрҙә әсә, ҡатын иңрәүе, һағыныуы, һөйөүе һәм илһөйәрлеге сағыла.
Өфөлә «Әсә һүҙе» шиғырҙар йыйынтығының исем туйы уҙҙы
Китап махсус хәрби операцияла һәләк булғандарҙың әсәләре һәм тол ҡатындары ижад иткән шиғырҙарҙы берләштерә. Йыйынтыҡты төҙөү инициативаһы Рәсәй халыҡтары ассамблеяһының төбәк бүлексәһенән сыҡҡан. Проект «Ватанды һаҡлаусылар» фондының Башҡортостандағы филиалы һәм «Бәхет биләмәһе» фонды ярҙамында тормошҡа ашырылған. Идеяны Башҡорт ҡатын-ҡыҙҙары йәмғиәтенең «Үҙ ғаилә ҡунаҡханаһы» проекты сиктәрендә тәҡдим иткәндәр.
Йыйынтыҡта 61 авторҙың 154 шиғыры урын алған. Әҫәрҙәр республиканың 27 районынан һәм ете ҡалаһынан килтерелгән. Рус, башҡорт, татар, мари һәм Башҡортостандың башҡа халыҡтары телдәрендәге шиғри юлдар мөхәббәт, ғорурлыҡ, ҡайғы һәм батырлыҡ тураһында һөйләй.
Был китап — һәләк булған яугирҙәр батырлығына хөрмәт, йөрәгендә ғүмерлек яра менән йәшәүселәргә ярҙам билдәһе. Ул шиғриәт кенә түгел, ә алғы һыҙыҡтағы һаҡсыларҙы нығытыусы рухи ҡалҡан. Күп милләтле Рәсәйҙең тауышы, ҙур эске көс менән һуғарылған берҙәм ауыртыу һәм өмөт симфонияһына әүерелгән. «Әсә һүҙе» — фронт менән тыл араһындағы күпер, унда ҡатын-ҡыҙ күңеле милләт терәгенә әйләнә.
Новости партнеров