-23 °С
Болотло
Бөтә яңылыҡтар
Файҙалы эштәр йылы
24 Февраль , 15:58
Радий Хәбиров Әминә Шафиҡованың ҡулға алыныуына үҙ фекерен белдерҙе
Республика Башлығы хөкүмәттең беренсе вице-премьеры Урал Килсенбаевтан министр вазифаһын башҡарыусы кандидатураһы буйынса тәҡдимдәр индереүҙе һораны.
Радий Хәбиров Әминә Шафиҡованың ҡулға алыныуына үҙ фекерен белдерҙе
Башҡортостан Башлығы Радий Хәбиров хөкүмәттең оператив кәңәшмәһендә республиканың мәҙәниәт министры Әминә Шафиҡованың ҡулға алыныуына комментарий бирҙе.
– Әминә Ивний ҡыҙын бик намыҫлы кеше һәм яҡшы министр тип иҫәпләйем, – тине Радий Хәбиров. – Ул 2012 йылдан алып эшләй. 14 йыл эшләү – мәҙәниәтебеҙҙең, уның институттарының, мәҙәниәт инфраструктураһының сәскә атҡан осоро, был – уның мәҙәниәт министры вазифаһында башҡарған ғәйәт ҙур хеҙмәте.
Радий Хәбиров бәлиғ булмаған балалы ҡатын-ҡыҙға һәм әсәгә ҡарата ҡулға алыу сараһын һайлауға бәйле хәлде үтә ауыр һәм аңлайышһыҙ тип атаны.
– Минең өсөн был бик ауыр, аңлайышһыҙ хәл. Мин һәр саҡ, тәфтиш комитеты тикшерер, ә суд ҡарар сығарыр, тимен, ләкин бәлиғ булмаған балаһы булған ҡатынға ҡарата ни өсөн ҡулға алыу сараһын һайлауҙарын аңламайым, – тип билдәләне республика етәксеһе.
Республика Башлығы хөкүмәттең беренсе вице-премьеры Урал Килсенбаевтан министр вазифаһын башҡарыусы кандидатураһы буйынса тәҡдимдәр индереүҙе һораны.
https://bash.bashinform.ru/news/politics/2026-02-24/radiy-h-birov-bash-ortostan-m-ni-t-ministrynyny-ul-a-alynyuyna-fekeren-belder-e-4590179
Новости партнеров