-6 °С
Ҡар
Бөтә яңылыҡтар
Файҙалы эштәр йылы
29 Ғинуар , 22:45
«Театраль Волга буйы» фестивалендә иң яҡшы афиша конкурсы иғлан ителде
«Театраль Волга буйы» балалар һәм йәштәр театрҙары араһындағы округ фестивалендә Башҡортостан театрҙары ҡатнаша.
«Театраль Волга буйы» фестивалендә иң яҡшы афиша конкурсы иғлан ителде
Конкурсҡа һынлы сәнғәт эштәре (һүрәттәр), компьютер технологиялары, Adobe Photoshop, Adobe Illustrator, Corel Draw график программаларын ҡулланып башҡарылған эштәр JPG, PNG, PDF форматында ҡабул ителә.
Афиша, тигәндән беҙ һүрәтте (макет) күҙ уңында тотабыҙ. Был эш фестиваль, төбәк этабы программаһы, фестивалдә ҡатнашҡан ниндәйҙер спектакль хаҡында мәғлүмәт бирергә, финалда тауыш биреүҙә ҡатнашырға саҡырырға тейеш.
Бында ебәрелгән эштәрҙең А3 форматында башҡарылып, конкурстың темаһына, жанрына, маҡсатлы аудиторияһына тап килеүе мөһим. Һәр ҡатнашыусы электрон рәүештә 3-тән дә ашмаған афиша һәм плакат ебәрә ала.
Ғаризалар rcnt-red@mail.ru электрон почтаһы буйынса 25 февралгә тиклем ҡабул ителә. Конкурста ҡатнашыусы фестивалдең социаль селтәрҙәрҙәге төркөмдәренә яҙылырға тейеш: «Бәйләнештә» – vk.com/theatres.fest, «Фейсбук»та – www.facebook.com/theatres.fest, «Инстаграм»да – www.instagram.com/theatres.fest/. Тулыраҡ мәғлүмәтте 8(347)289-66-96, 8-927-320-64-42 телефондары буйынса алырға була. (Тәнзилә Сәғит ҡыҙы Ҡалмырҙина).
Новости партнеров