-24 °С
Болотло
Бөтә яңылыҡтар
Файҙалы эштәр йылы
16 Декабрь , 09:30
Өфөлә шағирә Таңсулпан Рәсүлдең ижад кисәһе үтә!
«Ижад кисәһе тип әйтеү генә әҙ кеүек, дөрөҫөрәге, театрлаштырылған тамаша, йәки хатта психологик терапия кеүек буласаҡ ул...» - тип хәбәр итә йәш ҡәләмдәшебеҙ.
Өфөлә шағирә Таңсулпан Рәсүлдең ижад кисәһе үтә!
«Шуға, әгәр ҙә тормошоғоҙ бер үк төрлө тип уйлаһағыҙ, эшегеҙҙән, эргә-тирәгеҙҙәге кешеләрҙән, үҙ-үҙегеҙҙән арыһағыҙ, риза булмаһағыҙ, һеҙгә мотлаҡ икенсе тулҡынға көйләнергә, йәки көслө тойғолар кисерергә, йә иһә тетрәнеү кәрәк булһа - мин һеҙҙе үҙемдең күңел байрамымда көтөп ҡалам! Был көнгә бик оҙаҡ килдем мин һәм ул, ниһайәт, йөрәгемдә бешеп етте. Йөрәктән сыҡҡан - йөрәккә етә, тиҙәр. Беҙ, ошо тамашаның ҡатнашыусылары, һеҙҙең барығыҙҙың да йөрәктәрендә саҡ ҡына булһа ла тағы ла йылылыҡ, яҡтылыҡ, ышаныс һәм юғары рух ҡабыҙыуыбыҙға ышанабыҙ һәм тиҙерәк осрашыуҙар көтөп ҡалабыҙ», - ти Таңсулпан.
Кисәлә шағирәнең ижад емештәрен Мостай Кәрим исемендәге Милли йәштәр театры артисы Дания Ғөбәйҙуллина уҡыясаҡ. Шулай уҡ Башҡорт дәүләт академик опера һәм балет театры солисы Гөлнара Вәлиеваның, Рудольф Нуриев исемендәге Башҡорт хореографик колледжы концертмейстеры Кәрим Моратовтың һәм Башҡортостандың Дәүләт ҡурайсылар ансамбле солисы Айҙар Байтимеровтың ҡатнашыуы көтөлә.
Беҙҙең МАХ каналына яҙылығыҙ: https://max.ru/agidel_rb/
Новости партнеров