ИҢ ОҘОН ТӨНДӨҢ ИРТӘҺЕ
Бурандары бурай инде,
Оло юлдан урай инде,
Билдәһеҙлек юрай инде -
Иң оҙон төндөң иртәһе.
Көтмәнекме? Көттөк тылсым.
Һин бул усаҡ, утлы бул сым -
Һағыш тулы йәндә бул сың,
Иң оҙон төндөң иртәһе...
Кемдәр ҡалыр, кемдәр ҡалмаҫ,
Әйтеү ауыр - кем ни ҡылмаҫ.
Выжданыбыҙ булһын тынмаҫ...
Иң оҙон төндөң иртәһе.
Йәнебеҙҙә яҡтыр, доға!
Йәйғорҙарҙан тарттыр дуға -
Беҙҙең аттар әҙер юлға...
Иң оҙон төндөң иртәһе!
Тамара ИСКӘНДӘРИӘ