Теште ҡыҫып түҙгәнем бар,
Өҙмәҫ ерҙә өҙгәнем бар,
Илар ерҙә көлгәнем бар-
Туған хаҡы, туған хаҡы.
Болотло көн - ҡояш булам,
Асыуымды ҡынға тығам,
Күп ваҡытта телде тыям -
Балам хаҡы, балам хаҡы.
Үҙем булып ҡалам тағы -
Кисерәмен йөҙ йыртҡанды,
Бер кем белмәй ут йотҡанды -
Бәндә хаҡы, бәндә хаҡы.
Эйелмәҫ башымды эйәм,
Башҡалар тип янам-көйәм...
Булған һайын мин түҙемле -
Онотҡанмын бит үҙемде!
Автор: Гөлнур Ғиззәтуллина