Ағиҙел
+20 °С
Облачно
75 лет Победы
Бөтә яңылыҡтар
Шиғриәт
30 Июнь , 14:26

"Сабырлыҡ" Г.Ниғмәтуллина

Күкте болот ҡаплап алһа,иңгә төшһә ауырлыҡ,әлдә йәнгә юлдаш итеп,Хоҙай биргән сабырлыҡ.Ярһыу уйҙар алдан сапһаһағыштарға һалырлыҡ,әлдә әле янда йөрөйХоҙай биргән сабырлыҡ.


Заманалар хәтәр килде,
һинән көлдәр ҡалырлыҡ,
әлдә, тимен, йәнәшәлә
Хоҙай биргән сабырлыҡ.

Китеп барған һуҡмағыңдан
төшөп китеп аҙырлыҡ,
түбәндәрҙән юғарыға
күтәрә тик сабырлыҡ.

Ҡайғыларға уралғанда
әллә нигә тарырлыҡ,
сабырлыҡты ул мәлдәрҙә
теләп, һорап алырлыҡ.

Үткән ғүмергә йылмайып
бер әйләнеп ҡарарлыҡ,
әлдә Хоҙай һәммәбеҙгә
бүләк биргән - сабырлыҡ...

(Г.Ниғмәтуллина)