Ағиҙел
-17 °С
Болотло
75 лет Победы
Бөтә яңылыҡтар
Шиғриәт
25 Май 2021, 09:00

"Ҡанатлы миҙгел" Лариса Абдуллина

Шишмәләрҙә сайҡалдымы икәнЯҙғы көндөң һәр бер иртәһе?!.Тойғоларға миҙгел ирек биреп,Асып ҡуйған ялан кәртәһен.

Ғишыҡ уты, ана, йөрәктәрҙең
Шаҡымайса инә түренә.
Сәскә кеүек һәр бер ҡараш хәҙер,
Яҡтылыҡҡа һәр йән үрелә.

Ҡалмағандай йәндә бөртөк әрнеү,
Булмағандай хатта һыҙланыу.
Бөгөн генә ергә килгән кеүек,
Һиҫкәндерә яҙғы уяныу.

Туғарылған барлыҡ кисерештәр,
Онотола ҡараш күктәрҙә.
Көрһөнгәндәй итә яҙғы төндәр,
Арынғандай ауыр йөктәрҙән...

Ҡанатлы яҙ осоштарға әйҙәр,
Шағир яһар миҙгел һәр кемдән.
Яҙҙар беҙгә һөйөү бүләк итә,
Ғорур уҙмай һис тә эргәңдән!..
Читайте нас в