Ағиҙел
-21 °С
Болотло
75 лет Победы
Бөтә яңылыҡтар
Шиғриәт
12 Апрель 2021, 10:53

"Башҡорт" Рәшит Назаров

Бөгөнгөләй, уның үткәне ләУйылып ҡалған Урал ташына...Ҡурай осонан һыҙылып тамған моңоАл ҡан булып ташҡа яғылған. #Ағиҙел#АғиҙелЖурналы#АғиҙелШиғыр#Шиғриәт#РәшитНазаров

Бөгөнгөләй, уның үткәне лә
Уйылып ҡалған Урал ташына...
Ҡурай осонан һыҙылып тамған моңо
Ал ҡан булып ташҡа яғылған.
Ҡайғыларҙан ҡайылып сигелһә лә
Тирмәләрҙең һоро биҙәге,
Йөрәгендә ятҡан эйәрле ат
Шылтыратҡан, сапсып йүгәнен.
"Уралым!" – тип оран ташлап ауһа,
Күмгәндә лә тупраҡ-ер үҙен,
Йөрәгенән сығып, эйәрле ат
Сапҡан яуға,
Ир данына биреп теҙгенен.
Үткәнеләй, бөгөнө лә данлы,
Тик ҡайымай данды ҡайғы, ҡан:
Яурынында – бәхет ҡошо һайрай,
Эйәренә ҡунып килә таң!
Фото авторы: Андрей Липов
Күберәк шиғырҙарҙы беҙҙең төркөмдә таба алаһығыҙ: "Ағиҙел" журналы | журнал "Агидель"
Читайте нас в