Ағиҙел
-18 °С
Болотло
75 лет Победы
Бөтә яңылыҡтар
Шиғриәт
9 Апрель 2021, 10:31

"Яңы йыр" Фирүзә Абдуллина

Ауылыма оҙаҡ ҡайталмаһам,Күңелемдән сыҡҡан йыр тына.Йырҙарымды эҙләп юлға сыҡһам,Юлым илтә атай йортона. #Ағиҙел#АғиҙелЖурналы#АғиҙелШиғыр#Шиғриәт#ФирүзәАбдуллина

Яңы йыр.

Ауылыма оҙаҡ ҡайталмаһам,
Күңелемдән сыҡҡан йыр тына.
Йырҙарымды эҙләп юлға сыҡһам,
Юлым илтә атай йортона.

Оҙон юлдар үтеп, өйгә ҡайтһам,
Шунан да ҙур бәхет юҡ кеүек,
Һулар һауам үҙе ҡаймаҡ кеүек,
Шатлығымдың сиге юҡ кеүек.

Иртән уянам да, күҙҙәремде
Асырға ла ҡурҡып ятамын.
Әсәм ҡулы, бешкән икмәк еҫе-
Мин бит һеҙҙе һағынып ҡайтамын!

Тыуған йорттоң тупһаһына баҫһам,
Йөрәгемдә яңы йыр тыуа.
Бәхетемде эҙләп юлға сыҡһам,
Ҡайтам тағы атай йортона.

Фирүзә Абдуллина.
Читайте нас в