+27 °С
Ясна
Бөтә яңылыҡтар
10
Шиғриәт
26 Февраль 2021, 13:07
"Хәҙер ярат" Фирүзә Абдуллина
Һин мине яратҡан саҡтаМатур инем, йәш инем,Ни ҡыланһам да оҡшаттың - Доньяла иң шәп инем! #Ағиҙел#АғиҙелЖурналы#АғиҙелШиғыр#Шиғриәт#ФирүзәАбдуллина
Һин мине яратҡан саҡта
Матур инем, йәш инем,
Ни ҡыланһам да оҡшаттың -
Доньяла иң шәп инем!
Матур инем, йәш инем,
Ни ҡыланһам да оҡшаттың -
Доньяла иң шәп инем!
Һәр һүҙемдән кер эҙләйһең,
Бик һайлап хәбәр һүтәм,
Ғәйеп табаһың юҡтан да -
Яратмайһыңдыр бүтән.
Бик һайлап хәбәр һүтәм,
Ғәйеп табаһың юҡтан да -
Яратмайһыңдыр бүтән.
Йәмһеҙләнгәнмендер инде,
Ҡарашың - йәнгә яра...
Үҙең дә әллә кем түгел!
Ана, көҙгөгә ҡара!
Ҡарашың - йәнгә яра...
Үҙең дә әллә кем түгел!
Ана, көҙгөгә ҡара!
Шулай инеде. Ҡартаябыҙ.
Йәнәшә үтә ғүмер.
Дөрләп янған усаҡтарҙан
Ҡалды бары көл-күмер.
Йәнәшә үтә ғүмер.
Дөрләп янған усаҡтарҙан
Ҡалды бары көл-күмер.
Көлөн борғолдатмай ғына,
Бысранмай күмеренә,
Матур менеп ултырайыҡ
Ҡартлығыбыҙ түренә.
Бысранмай күмеренә,
Матур менеп ултырайыҡ
Ҡартлығыбыҙ түренә.
Йәшлек уҙған, буяу уңған -
Һағыштарымды тарат,
Йәш саҡта яратыу нимә?
Шәп булғас, хәҙер ярат!
Һағыштарымды тарат,
Йәш саҡта яратыу нимә?
Шәп булғас, хәҙер ярат!
Читайте нас:
Шулай уҡ уҡығыҙ
