Ағиҙел
-20 °С
Болотло
75 лет Победы
Бөтә яңылыҡтар
Шиғриәт
30 Ноябрь 2020, 14:07

"Йөрәк" Рәшит Назаров

Йыртып астым күкрәгемде,Йолҡоп алдым йөрәгемдеҺәм йомарлап устарыма,Илттем уны дуҫтарыма.Илттем уны һиңә, йәнем.Тик күрмәнең ниңә, йәнем? #Ағиҙел#АғиҙелЖурналы#АғиҙелШиғыр#Шиғриәт#РәшитНазаров

Йөрәк

Йыртып астым күкрәгемде,
Йолҡоп алдым йөрәгемде
Һәм йомарлап устарыма,
Илттем уны дуҫтарыма.
Илттем уны һиңә, йәнем.
Тик күрмәнең ниңә, йәнем?

Хурланып мин шул саҡ бик тә,
Йөрәгемде аттым күккә,
Осто йөрәк. осто йөрәк
Йондоҙҙарҙан бейегерәк.

Йәнем! Әгәр сыҡһаң тышҡа
Таңын, ҡара көнсығышҡа,-
Бер йондоҙ унда нур һипһә,
Һәм хистәрең дөрләп китһә,
Бел: был йондоҙ - минең йөрәк,
Тик инде ул бейегерәк.
Читайте нас в