Ағиҙел
-20 °С
Болотло
75 лет Победы
Бөтә яңылыҡтар
Шиғриәт
3 Октябрь 2020, 12:30

"Тупраҡ" Шәйехзада Бабич

"...Тупраҡ беҙҙең атабыҙ,Беҙ тупраҡҡа ятабыҙ.Тупраҡ ҡәҙерен аңламауБеҙҙең өлкән хатабыҙ..." Был шиғырҙа милли азатлыҡ мәсьәләһе конкрет нигеҙҙә — ер мәсьәләһенә бәйле ҡаралған. Әҫәрҙә шағир «милли-мәҙәни мөхтәриәт» талаптары менән генә туҡтамай, үҙәккә ер мәсьәләһен — башҡорт халҡы өсөн иң актуаль проблемаларҙың береһен ҡуя. Шиғырҙың тулы варианты сайтта #Ағиҙел#АғиҙелЖурналы#АғиҙелШиғыр#Шиғриәт#Бабич#Тупраҡ

ТУПРАҠ

Тупраҡ беҙҙең анабыҙ,
Беҙ тупраҡҡа балабыҙ.
Тупраҡ, тупраҡ, тупраҡ!
Күкрәктәге сәнабыҙ.
Тупраҡ беҙҙең атабыҙ,
Беҙ тупраҡҡа ятабыҙ.
Тупраҡ ҡәҙерен аңламау
Беҙҙең өлкән хатабыҙ.
Тупраҡ өсөн яналыйҡ,
Тупраҡҡа шәмдәр һалалыйҡ,
Үҙебеҙҙең инәбеҙҙе
Үҙебеҙгә алалыйҡ!..
Тупраҡ башҡорт бәхетелер,
Бәхетебеҙҙең тәхетелер.
Тупраҡ ҡалһа истиҡбал
Нурлы, раушан, яҡтылыр.
Тулыр илгә батырҙар,
Аҡ шоңҡарҙай аҡындар,
Арыҫландай айҙарҙар
Әйләнеп үк ҡайтырҙар.
Тупраҡ алһаҡ, ҡалабыҙ,
Бүтәнсә юҡ сарабыҙ.
Тупраҡ китһә, һау бул, донъя,
Өҙөлмәктер самабыҙ.
Читайте нас в