Бөтә яңылыҡтар
Шиғриәт
25 Сентябрь 2020, 11:34

"Алтын мөхәббәт" Мөнир ИҠСАНОВ

Көҙгө урмандарға кереп киттем,Баҫа алмай ғашиҡ күңелде.Япраҡтарҙай, минең мөхәббәтемАлтынланып ергә түгелде. #Ағиҙел#АғиҙелЖурналы#Шиғриәт#МөнирИҠСАНОВ#МунирИксанов

АЛТЫН МӨХӘББӘТ
Көҙгө урмандарға кереп киттем,
Баҫа алмай ғашиҡ күңелде.
Япраҡтарҙай, минең мөхәббәтем
Алтынланып ергә түгелде.
Аҡландарға сығып, ҡояш менән
Һөйөүемдең утын бүлештем.
Һөйөүемдең һағыштарын һөйләп,
Ап-аҡ ҡайындарға өләштем.
Әбей сыуағында йылына көн,
Һарыларға донъя күмелде,
Яңғыҙҙарҙың мөхәббәте, гүйә,
Алтынланып ергә түгелде.
***
Ерҙең йөҙө күк көмбәҙе булһа,
Беҙ, кешеләр, гүйә, йондоҙҙар.
Ғашиҡтарға ғына төн көндөр ул.
Яҡты көндө көтә яңғыҙҙар.
Шунда ғына бар йондоҙҙар һүнер,
Шунда ғына яныр көн тышта:
Миллионлаған йондоҙ араһынан
Бер йондоҙҙо күрһәң ҡояштай.
Читайте нас в