Ағиҙел
-25 °С
Болотло
75 лет Победы
Бөтә яңылыҡтар
Шиғриәт
5 Июнь 2020, 20:28

Матурлыҡ

#Ағиҙелжурналы

Был донъяның бар йәмдәрен тойоп
Йәшәй белеү – үҙе матурлыҡ;
Ил-көнөндә аҙмы моң-ауаз бар
Йырҙар юлдарына ятырлыҡ.
Киңлектәре ерҙең иҫ китерлек,
Һауалары һулап туйғыһыҙ.
Алда күпме ғүмер булғанда ла,
Һүнмәҫтер ул йәшәү тойғоһо!
Сылтыр-сылтыр шишмә йыр башланы,
Ағастарҙа бөрө тулышҡан.
Донъя ҡапыл шаңдап китер һымаҡ
Әс-сәй!” тигән тәүге тауышҡа.
Был донъяла бөтәһе лә матур,
Ҡабатланмаҫ иртә, кистәре;
Кешеләрҙе ҡалай матур итә
Матурлыҡты тойоу хистәре.
Был донъяның бар йәмдәрен тойоп
Йәшәй белеү – үҙе матурлыҡ;
Китеп барһаң теге донъяларға,
Әмәлдәр юҡ кире ҡайтырлыҡ...
Йәшәй белеү – шиңмәҫ матурлыҡ!
Сафуан Әлибаев.
Читайте нас в